Jems 5:5 - God ago maror muturta agamukan

⁵ Ne ogib kab osad nagah dimdimunta bunmo waqad ne gihol bilaqsa tuqosayta. Osad ne didaq nagah dimdimunta neqad giyuninsa ne gisan huhuw nemsa ne gigem dimniysa osayta. Ta teq ne bilaqne bulmakau amidon anon ayahmota wol emeq neqgo tiqiyim osaqta nazaq nogmo ne osayta.

Jems 5:5 Iomraidhean Croise

Yesus awagamun Luk mar tonta 16:19

Haqad Yesus bilam, Kwaziqmo mat araq ago nagah kabemmota in osyaq ham. Osad kam bunmo in tubusan dimdimunta kakaqta aholib emad in didaq dimdimunta neqyaqta ham.

Yesus awagamun Luk mar tonta 16:25

Haqan Abraham bilam, Amun ham ni ogib kayeqmo osad ni nagah dimdimunta niholyon giwaq bugyaqta haqad in bilam ham. Giwaqsa Lazarus nagah meqmeqinta waqyaqta haqad in bilam ham. Ari muran saw kab Lazarus anad dimniysa ossa ta ni nab osad ni nihol titiysa osaqta haqad in bilam ham.

Sansandek Pol mar tonan uliq Rom-ub lahta 13:13

I mataw zeqabta iyim iyan i wastitayeqmo luw osuq. Osad i yuw atoranta uluwad haresmo ek tonad saw garak hi uguq. Teq i on haresmo nenaq luwad sawzun meqmeqinta nenaq hi emad i haresmo an mugad an anan gigem hi meqniyanmo.

1 Timoti 5:6

Ari wabur asor in daq gihol bilaqaqta naqmo amomo anadin emad osayta. Osad in God anadin diq a hi emad in on mataw gilumsihgo ginad a hi emaymo. Nazaq iyan on naqanta in samanta tumoqiyta nog iyim osayta.

2 Timoti 3:4

Teq in giyogniz kat negeq giwaqeq bab gibenab giqem daqayta. Teq in ginad hi emta adan muzinad bilaq daqay, Igmo asittaqmo haq daqayta. Teq in ginad dimniysa osnan ginad bilaqsa in God anan ginad a hi bilaq daqayta.

2 Pita 2:13

Moqeq teq in daq meqinta emad luwiyta na amenin waqad timeqniy has daqay. Mataw na giholmo in ginad wamuzsa in zeqabmo daq hares gihol bilaqaqta naqmo emnan ginad diq bilaqaqta. In ne gigo didaq neq ahumabnib gimileq iyad nenaq osad in haresmo ek tonad daq hihiq emad gihol bilaqsa osayta. Osad in ne giqeman ne ginumlan inaq iysa gibin timeqniyaqta.

Jud 1:12

Tutimmo ne Yesus ago on mataw nenaq humab wolim zib alowab ossa mataw katiyta na bolim nenaq osad in ne gigo daq na eman God ameb meqniyaqta. Ad in ne gigo humabub osad in ne gigo daq na a hi wazinad in gimo gihol naqmo in anadin emayta. In saman diqta bilaqne onqas dubta tim waqim ad haris haresmo lehsa in urom waqim ad a hi bolaqta nazaq nog. Teq in bilaqne ay araq anon emdaqta akamnib anon a hi emim teq may bugan mataw abeqar inaqmo titeqim hunegan lehaqta nazaq nogmo. Ay nazaqta na ame gigermo tumomta nog.

Revelesen 18:7

Aw na inmo ahol abin ayahmo iluwta na teq in daq ahol bilaqgota kuluwmo amta na nazaqmo diq ne in santitiy ayahmo ugsa in ame kabemmo gaq wazan ham. Na ezaqgo ham inmo ahol anan bilaqaq, Ya maror ayah diqta haqaqta ham. Ya wabur a haiqta haqaqta ham. Ya gaq a hikidikmo wazdaiqta haqaqta ham.