Jems 4:9 - God ago maror muturta agamukan

⁹ Ne God anad a hi muzinayta na ago ne giqutil tartaysa gaqad osiy. Ad ne yuquwayta na hulosad ne ginad buliyeq gaq waziy. Teq ne gigem dimniysa osayta na hulosad ne gigem afaqan iysa osiy.

Jems 4:9 Iomraidhean Croise

Matyu 21:41

Haqan mataw na buloniy, Kabiy anamren in mataw meqinta na santitiy ayahmo negad ginol emid tumoq bug daqay haqiy. Sa in ago kabiy na waqeq kabibiy mataw ta asor bunta tinegdaq haqiy. Negid in kabiy na anononmo wamuzad wain anagin waqgo akamnib in wain anagin asor waqeq kabiy anamren tuqug daqay haqiy.

Matyu 5:4

Ni nog ninad meqniysa gaqad osaqta na ni tidimniyim osaq ham. Na ezaqgo God teq ni ninad tuwaqdaq ham.

Yesus awagamun Luk mar tonta 16:25

Haqan Abraham bilam, Amun ham ni ogib kayeqmo osad ni nagah dimdimunta niholyon giwaq bugyaqta haqad in bilam ham. Giwaqsa Lazarus nagah meqmeqinta waqyaqta haqad in bilam ham. Ari muran saw kab Lazarus anad dimniysa ossa ta ni nab osad ni nihol titiysa osaqta haqad in bilam ham.

Yesus awagamun Luk mar tonta 6:21

Teq ne mataw gigemnan moqayta ham God teq nagah negid ne tigiyunindaq ham. Nazaq iyan ne tidimniyim osayta ham. Teq ne mataw gaqad osayta ham ne teq tiyuquw daqay ham. Nazaq iyan ne tidimniyim osayta ham.

Yesus awagamun Luk mar tonta 6:25

Teq ne mataw muran didaq neqad gigem aseseqmo iyayta ham ne timeqniyim osayta ham. Abeb teq ne gigemnan tumoq daqay ham. Teq ne mataw muran yuquwayta ham ne timeqniyim osayta ham. Abeb ne gaq wazad atoranmo tigaq daqay ham.