Jems 2:7 - God ago maror muturta agamukan

⁷ Ad mataw naqmo Krais abin dimunta ne giholib usaqta na bilawunayta. Nazaq a haiq e?

Jems 2:7 Iomraidhean Croise

Matyu 12:24

Haqsa ta Farisi in mataw giqez nazaq huritim bilaqiy, Haiq haqiy. Mat na in bugaw meqinta gigo danmebta Belsebul ago zaway amalib bugaw meqinta gimuzaqta haqiy.

Matyu 27:63

Humab wolim in bilaqiy, Mat ayah haqiy mat akatiynaqta na osad in gamuk araq bilamta na i anadin emauq haqiy. In bilam, Kam ezeqmanmo tihiqiyid ya ta eraqdaiq hamta haqiy.

Aposel 11:26

Lehim in Sol ahol tuwaqim in waqim inaq Antiyok-ib ta boliy. Bolim ulig amulikmo in giger uliq nab Yesus ago on mataw na nenaq tuqosiy. Osad in on mataw kabemmo God ago gamuk gibilenad teq in gamuk na asuleqin tineg yaqay. Sa uliq Antiyok-ib nab mataw in gime ameb diqta Yesus ago disaipel ginan Kristen haqad biyiy.

Aposel 15:17

Eraqeq ussa on mataw ta asor na bunmo in Iyahta tinagun daqay haqad in bilam ham. Helmo ham on mataw en ta asor Juda a haiqta nagan yaqmo ihol ananib in gitowun tiqemta nagan bunmo in ya tiqinagun daqay haqad in bilam ham. Yaqmo Iyahta kwaziqmo ya nagah abeb teq gwahtiqdaqta kagan eman ulal iysa bo muranmo haqad in bilam ham. Yaqmo kazaq tibilay haqad in bilam ham. Amos 9.11-12

Aposel 26:11

Ya mataw na santitiy negnan haqad ime kabemmo bit humab wolayta bunmo luwad ginagunyaiqta ham. Ginagunim gibiyad ya in gibe yahsa in gigo Iyahta na abin bilawun yaqayta ham. Ad ya in ginan igem ayahmo meqniysa ya gimuzad gimeqin tonad luwad uliq pesantab inaqmo tilehyaiqta ham.

Aposel 4:12

Mat araq i gilumsihdaqta na haiqgam ham. Og kab on mataw bunmo gilikmanib God in mat amulikmoqmo eman gwahtiqim in amomo i gilumsiheq ta giwaqdaqta ham. Na Yesus-mo ham.

Efesus 3:15

In on mataw Heven-ib teq og kab osayta na bunmo Gimamta teq inmo bilaqan on mataw en bunmo in gimo gimaman og kabta gihaqenib osaytamo.

1 Timoti 1:13

Helmo kwaziqmo ya in abin bilawunad ya in ago on mataw gimuzad gimeqin tonyaiqta. Ad ya in ago nan a hi huritad ya girerey ayahmo emyaiqta. Ta teq ya in ago a hi hurit kemta na ago ya in anan helmo a hi haqad daq nagan emyaiqta. Nazaq iyan in ya inan anad meqniy.

1 Pita 4:16

Ari Krais abin ne giholib ussa na ago ne santitiy waqad teq ne gimebay hikidik woqan. Haiqgam. Krais abin ne giholib usaqta na ago ne ginad dimniysa ne God-mo abin iluwad osiy.

Revelesen 19:13

In aholib tubusan sisaqta usaqta na nedmo huz ugta. Teq mat na anan God Ago Gamuk haqayta.

Revelesen 19:16

Mat na ago tubusanib teq abetab in ahol anan kazaq mar tonan usaqta. King Bunmo Gigo King-ta teq Mataw Aseseqta Bunmo Gigo Iyah Diqta