Aposel 3:11 - God ago maror muturta agamukan

¹¹ Ari mat na Tempel ago veranda anan Solomon ago veranda haqayta nab in Pita ayow Jon inaq giwazim giqay netsa on mataw bunmo gihol turuh nemsa in gigerab sibim bolim humab tuwoliy.

Aposel 3:11 Iomraidhean Croise

Yesus awagamun Luk mar tonta 22:8

Nazaq iyan Yesus in Pita ayow Jon inaq giqeman lehsa in gibilan. Ne leheq i Pasova adidaqan neqamta na abanan wastitayid teq i leheq nequq ham.

Yesus awagamun Luk mar tonta 8:38

Lehsa mat aholib bugaw meqinta gwahtiqim lehiyta na in Yesus inaq lehnan haqad anad awaz meqin amalib bulonyaq, Ya ninaq lehdaiq haqyaq. Haqsa Yesus hulos. Ad in mat na eman ago uliqab muleqim ta lehsa in bulon, Ni ningo uliqab muleqeq ta leh ham. Leheq God daq ayahta em nigta na awagamun ni on mataw gibilen ham. Haqan mat na muleqim lehim in uliq nab bitbitmo luwad Yesus ayahmo ulumsihta na ago in on mataw tigibilenyaq.

Yesus awagamun Jon mar tonta 10:23

Kam nab Yesus Tempel ago gel aduganib gwahtiqim le veranda sisaqta anan Solomon ago veranda haqayta nab gwalim in leh bolad tiluwyaq.

Aposel 2:6

Osad in nagah na ahulan iysa huritad in kabemmo bolim bit nab humab tuwoliy. Humab wolim tursa Yesus ago on mataw na in God ago gamuk bilaqsa mataw biyahta na in gimi gimo gigo nanibmo tuhurit yaqay. Huritad in ginadnad diq tiqem yaqay.

Aposel 3:12

Humab wolim tursa Pita gibiyad kazaq gibilan, Ne Isrel-ib mataw ham, nagaqgo ne nagah ka ago ginadnad emad ne i giger gibiy ninunay? ham. Ne towa ginad emay, I gigo zaway inaqta iyim i mat ka wastitay haqay-ya ham. Teq ne ginad emay, I giger God ago mataw dimun diqta iyim i mat ka wastitayan in tiloq gelaq haqay-ya ham. Na haiqgam ham. Ne ginad nazaq hi emiy ham.

Aposel 3:3

Ari Pita ayow Jon inaq le Tempel agelin aduganib lo gwahtiqnan haqsamo mat na mani anan tisun nag.

Aposel 3:4

Sun negan Pita ayow Jon inaq gihol wasihim turad in mat na ahol waninunadmo Pita in tubulon, Ni nime kazaq boleq i giger gibiy ham.

Aposel 5:12

Ari Aposel in on mataw gilikmanib daq azawayin inaqta amo amo kabemmo giqeman gwahtiq yaqay. Sa Yesus ago on mataw na bunmo gigem amulikmo iyim in Tempel ago veranda anan Solomon ago veranda haqayta nab sirisirimo humab tuwol yaqay.