Aposel 14:4 - God ago maror muturta agamukan

⁴ Sa teq on mataw uliq nabta na gihol huserim dauh giger tiqiyiy. Iyim asor Juda nenaq iysa asor Aposel giger na nenaq tiqiyiy.

Aposel 14:4 Iomraidhean Croise

Yesus awagamun Luk mar tonta 2:34

Sa Simeon gibar tonad in amun anen Mariya kazaq bulon, Ni hurit ham. Amun ka in Isrel on mataw kabemmo eraqim turayta na giqothasid tuwoq daqay ham. Ad in on mataw kabemmo woqim usayta na giwazid tiqeraq daqay ham. Amun ka tarin nog osdaqta ham. Ossa mataw kabemmo ahol waqad tubaymuz daqay ham. Bay muzsa ni ahol waqad ni ninad ayahmo meqniydaq ham. Bilaqne baqir niqutil ulum tayaq nazaq nog ham. Amun ka ayah iyeq teq in mataw kabemmo ginad ulilemim usaqta na giqemid in ginad na ulal tiqiydaq ham.

Yesus awagamun Jon mar tonta 7:43

Nazaq iyan mataw na ginad giger iyan in gimo gihol huserim dauh gigermo tiqiyiy.

Aposel 13:2

Sa kam araqab Yesus ago on matawta na in didaq udinim osad Iyahta abin iluwsa God ago Bugaw Dimunta gibilenim bilam, Ne Barnabas ayow Sol inaq ya yagiy ham. Yagid teq in yaqgo kabiy em daqay haqad ya gililewunta nab in lehiy ham.

Aposel 13:45

Sa Juda mataw ta asor in mataw kabemmo Pol ayow Barnabas inaq gigo gamuk huritnan bolsa gibiyad in giger na ginan gigem timeqniyiy. Gigem meqniysa in Pol ago gamuk walebolad teq in Pol tibilawun yaqay.

Aposel 13:50

Ta teq uliq nab Juda mataw asor eraqim in on aseseqta God diq anadin emad Juda gigo lotu adan muzin yaqayta nagan teq mataw marorta asor nenaq gigem wazan eraqsa on mataw aseseqta na in Pol ayow Barnabas inaq ginan gigem meqniysa tigimeqin ton yaqay. Gimeqin tonad in gigo uliqab tigimuziy.

Aposel 14:14

Sa Aposel giger Barnabas ayow Pol inaq daq na ago huritim in ginad meqniysa gigo tubusan wazim tubulsireqiy. Bulsireqim in sibim on mataw na giduganib lehim in lileyim bilaqiy, Mataw haqiy doq tonnan ne kazaq emay? haqiy. I giger mataw diq ne nogmo haqiy. I God ago gamuk dimunta ne gibilenauqta haqiy. Ne daq samanta ka gileh ugad gihol buliyeq God kayeqmo osaqta na agerab leh daqay haqad i gibilennan bolta haqiy. God naqmo in kait teq og teq kamis teq saw nagab nagah bunmo usayta inaqmo in giqamta haqiy.

Aposel 14:19

Teq abeb Juda mataw asor uliq Antiyok-ibta teq uliq Aikoniyam-ubta na tuboliy. Bolim in on mataw Listra-ibta na ginad ta buliyiy. Ginad buliyan mataw na gigem meqniysa Pol gigibmo tuwoliy. Wolim bilaqiy, In tumom haqiy. Haqad in hureqim ad gel asan ban a le tuhunegiy.

Aposel 14:2

Teq Juda asor helmo a hi haqiyta na in eraqim on mataw en ta asor Juda a haiqta nagan gigem wazan eraqsa in on mataw Yesus anan helmo haqad maqbab iyim osiyta na ginan gigem timeqniy yaqay.

Aposel 14:5

Abeb Juda mataw na giyogniz mataw en ta asor Juda a haiqta na nenaq teq in gigo mataw aseseqta na nenaqmo wastonim in Pol ayow Barnabas inaq gimeqin tonad gimen gig hunegnan haqad an amugan tuwaziy.

Aposel 19:9

Teq mataw na gilikmanib asor in helmo haqnan gituw hiqiysa giqutil a hi ritenyaq. Ad in on mataw gimeb Iyahta ago dante muturta na anan meqin haq yaqay. Nazaq iyan Pol eraqim gihulosad in mataw disaipel tiqiyiyta naqmo giwaqim nenaq lehim mat araq anan Tiranus haqayta na ago suleq abitnib tilehiy. Lehim kam bunmo Pol in God ago gamuk atoranmo tigibilenyaq.

Aposel 28:24

Gibilensa asor in ago gamuk anan helmo haqsa ta asor in anan helmo a hi haq yaqay.

1 Korin 9:5

Ad i giqonan helmo haqayta na giwaqeq nenaq uliq-uliqgo luwamta nazaq i gibin a hi usaqmo ye? Aposel asor teq Iyahta Yesus amagniz na teq Pita in giqonan nenaq luwayta nazaq i a hi emam e?

1 Tesalonaika 2:14

I gimaqbaban, saw Judiya-ib God ago on mataw Krais Yesus aholib soqotim ago nan muzinsa in gigo ginedan Juda naqmo in afaqan kabemmo tinegiy. An saw Judiya-ib on mataw na gigo hib daq gwahtimta nazaqmo diq ne gigo hib gwahtimtamo. Ne Yesus anan helmo haqsa iyan negmo gisenlul naqmo in afaqan ne tinegaymo. Ne Yesus ago on mataw gidauhan saw Judiya-ib osayta na gisen muzinim afaqan sorsa i ginad emauq, God ago gamuk ne gigemab kabiy tiqemaq haqauq.