Aposel 13:9 - God ago maror muturta agamukan

^9-10 In nazaq emsa Sol, in anan araq Pol haqayta na, in God ago Bugaw Dimunta ago zaway aholib ayah diqmo loyinad in Elimas ahol waninunadmo tubulon, Satan atatin ham ni daq dimunta ababun ham. Daq katiyta bunmo teq daq meqinta bunmo ni niholib oy soqotim giqusaqta ham. Tutimmo ni Iyahta ago dan titnonta na eman kok tonaq ham. Teq ni daq na a hi hulosdaq e? ham.

Aposel 13:9 Iomraidhean Croise

Matyu 10:20

Nazaq iyan negmo diq gamuk na a hi bilaq daqay ham. Haiqgam ham. Ne Gimam ago Bugaw Dimunta naqmo in gamuk emid ne giqezab gwahtiqdaqta ham.

Yesus awagamun Mak mar tonta 3:5

Ossa Yesus in mataw na bunmo ginad ahol waqim le bolsa in ginad soqotim us. Ussa Yesus ahol afaqan diq iyad in mataw na ginan agem timeqniy. Agem meqniysa in mat na bulon, Ni niben itiwun ham. Haqan mat na aben itiwunan aben akogan na tidimniy.

Yesus awagamun Mak mar tonta 8:25

Haqan Yesus aben mat na ameqnagnib a ta am. Eman mat na ameqnagin dimniyan in ame rireqim saw ahol tuwaq kemyaq.

Yesus awagamun Luk mar tonta 20:17

Haqan Yesus gibiyad gibilan, Ne ginad nazaq emay ye? ham. Ta gamuk araq God ago marib usaqta ka alulin ezaqta? ham. Gamuk na bilam, Tituq mataw anan bilaqiy ‘meqin’ haqiyta naqmo in awaz meqin diq turad bit anon bunmo soraq haqad in bilam ham. Buk Song 118.22

Aposel 2:4

Ussa God ago Bugaw Dimunta mataw na giholib ayahmo bolan uliq amo amo gigo nan ginadib bolsa in tibilaq yaqay.

Aposel 4:31

Ari in gamuk na bilaqim tihiqiyan bit in humab wolim osiyta na dedibmo ahol wolsa God ago Bugaw Dimunta in giholib ayahmo tubol. Bolan mataw na zaway iyim God ago gamuk atoranmo tibilaq yaqay.

Aposel 4:8

Haqan God ago Bugaw Dimunta Pita aholib ayahmo bolan Pita era tigibilan, Ne Isrel-ib mataw aseseqta teq ne mataw marorta ham i giger mat araq asen meqinta ulumsihta na ago ne susumunay ye? ham. Ad ne mat na ahol ezaq dimniyta na ago ne hurit kemnan e? ham.

Aposel 7:55

Sa God ago Bugaw Dimunta Stiven aholib ayahmo bolan in ame Heven-ib gwalehim turad in God ahol anuwan oysa ahol waqad teq in Yesus God aben aqabun ban eraqim tursa ahol tuwammo.