Aposel 1:9 - God ago maror muturta agamukan

⁹ Yesus gamuk na bilaqim tihiqiyan Aposel ahol waqad tursamo God Yesus waqim ad kaitab tugwalah. Gwalehsa onqas tiqim Yesus il tonan Aposel ahol a ta hi waqiy.

Aposel 1:9 Iomraidhean Croise

Yesus awagamun Mak mar tonta 16:19

Ari Iyahta Yesus gamuk na gibilen bugan tihiqiyan teq God in waqim ad Heven-ib tugwalah. Gwalehim eman in God aben aqabun ban tuqos wom.

Yesus awagamun Luk mar tonta 21:27

Ussamo Mat Atatin kaitab onqas amalib oseq ago zaway teq ahol anuwan ayahta inaq bolsa in ahol tuwaq daqay ham.

Yesus awagamun Jon mar tonta 6:62

Nazaq iyid teq abeb Mat Atatin in kwaziqmo ulilib ostab nab muleqeq ta gwalehsa ne ahol waqad teq ne ginad ezaq em daqay? ham.

Aposel 1:11

Turad in bilaqiy, Galiliy-ib mataw haqiy nagaqgo ne turad kaitab gime gwalehaq? haqiy. Muran God in mat anan Yesus haqayta ka ne gibenab walemim in waqim ad Heven-ib tugwalah haqiy. Teq in Heven-ib gwalehsa ne ahol waqiyta nazaqmo in muleqeq ta gewoqdaqta haqiy.

1 Tesalonaika 4:17

Eraqsa teq Iyahta in i on mataw abeyanta kayeqmo og kab osauqta ka giwaqidmo i kaitab on mataw danmeb eraqiyta na nenaq tugwaleham. Gwaleheq i ulilib kaitabmo Iyahta ahol tuwaqam. Ahol waqad teq i Iyahta inaq kuluwa-kuluwmo tuqosam.

1 Timoti 3:16

Helmo on mataw God asenlul iyim in anad muzinad ago daq dimdimunta emayta na ago asuleqin in nagah ayah diqta. Gamuk na alulin ulilemim usan God eman ulal iyta. Na in kazaq. In mataw ogibta gisan waqim on mataw gimeb gwahtim. Teq God ago Bugaw Dimunta ago zaway amalib in ahol alulin diqta na ulal iy. Sa angelo in ahol waqiy. Teq mataw in ahol awagamun a luwad on mataw en bunmo gibileniy. Gibilensa on mataw og saw bunmo in anan helmo haqiy. Teq God in waqim ad Heven-ib gwalehan in abin ayah diqmo iy.

Revelesen 1:7

Ne gidek emiy. In onqas amalib oseq bolsa on mataw bunmo ahol tuwaq daqay, mataw emub ulumiyta na inaqmo. Ahol waqad on mataw en bunmo og kab osayta na gaq wazad ginad meqniy naqmo hiqiy daqay. In nazaqmo diq tiqiydaq. Hel diqtaqmo.

Revelesen 11:12

Sa Heven-ib mat araq in giger na dedibmo gibilensa in huritiy. Mat na bilam, Ne giger kab gaboliy ham. Haqan in onqasib Heven-ib gwalehsamo in gigo bab na tigibiyiy.

Revelesen 14:4

Mataw biyahta na in on nenaq daq meqinta anumlan inaqta a hi emiyta. Na ezaqgo in gihol wasihim aw inaq asit a hi usiyta na ago iyan. Mataw na Sipsip Amidon ezaqya lehsa in muzim inaq lehaytamo. God in on mataw og kabta bunmo gilikmanib mataw biyahta naqmo gizayim giwamta, bilaqne mataw kabiy ame waqayta nazaq nog. Giwaqan mataw na in God ayow Sipsip Amidon na inaq gigota tiqiyim osayta.