Ruth 3:3 - Motingʼo Loko Manyien

³ Luokri kendo wirri gi mo madungʼ tik mamit, kendo rwak lepi mabeyo mogik. Kisetimo kamano, to dhi mwalo nyaka kar dino cham, to kik iwe ongʼe ni in kanyo nyaka sa ma osetieko chiemo gi metho.

MUMA MALER 2015

³ Omiyo lwokri, kendo iwirri gi mo. Rwak lepi mabeyo, ilor idhi kuno. To kik iwe ong’eyi, ka pok ochiemo kendo ometho.

Ruth 3:3 Iomraidhean Croise

2 Samuel 12:20

Daudi noa malo e lowo. Kane oseluokore, nowirore gi mo moloko lewni mane orwako, nodhi e od Jehova Nyasaye mi olemo. Bangʼe nodhi e ode owuon, mine okwayo chiemo momiye mochamo.

2 Samuel 14:2

Omiyo Joab nooro ngʼat moro Tekoa mi okelne dhako moro mariek koa kuno. Nowachone niya, “Wuondri ni ikuyo. Rwak lep ywak kendo kik iwirri gi mo del. Chal ka dhako mosebet ka ywago ngʼate motho kuom ndalo mangʼeny.

Esta 5:1

Chiengʼ mar adek Esta norwako lawe mar duongʼ kaka mikach ruoth mochungʼ e laru maiye mar dala ruoth, kama omanyore gi ot maduongʼ ma ruoth bedoe; Ruoth ne oyudo obedo e kome mar duongʼ e ot, kama omanyore gi dhoot.

Zaburi 104:15

kaachiel gi divai mamoro chuny dhano, gi mo mamiyo lela wangʼe leny, kod makati molerogo chunye.

Eklesiastes 9:8

Kinde duto rwakri gi lewni marochere, kendo kinde duto wir wiyi gi mo.

Ezekiel 16:9

“ ‘Bangʼe ne aluoki gi pi kendo ne arudho remo mane omieni mi awiri gi mo.

Mathayo 6:17

To in, kitweyo chiemo to ol mo e wiyi kendo luok wangʼi,

Ruth 3:2

Donge Boaz, misebedo ka ibet gi jotichne ma nyiri, en anywolawa? Kawuono gotieno wangʼ nopiedh shairi kar dino.

Ruth 3:4

Ka sechege mag nindo ochopo to ngʼe kama odhi nindoe. Bangʼ mano, ele gi yo ka tiende kendo inind kanyo. Bangʼe obiro nyisi gima onego itim.”