Ruth 1:2 - Motingʼo Loko Manyien

² Nying ngʼatno ne Elimelek, to nying chiege ne Naomi, kendo nying yawuote ariyogo ne gin Malon gi Kilion. Ne gin jo-Efrath moa Bethlehem e piny Juda. Kendo negidhi e piny Moab mi gidak kuno.

MUMA MALER 2015

² Nying ng’atno ne Elimelek, kendo nying chiege ne Naomi, to nying yawuote ne Malon kod Kilion. Ne gin jo-Efratha man Bethlehem-Juda. Ne gichopo e piny Moab mi gidak kuno.

Ruth 1:2 Iomraidhean Croise

Chakruok 35:19

Kuom mano Rael notho kendo nokunye e yo madhi Efrath (ma tiende ni Bethlehem).

Mika 5:2

“To in Bethlehem Efratha, kata obedo ni itin e dier dhout Juda, kuomi ema ngʼat manobedna jatend Israel nowuogie, ngʼat machakruok mare noa chon, kinde machon gi lala.”

Jong’ad Bura 17:7

Rawera ma ja-Lawi moa Bethlehem e piny Juda, mane osebedo kodak gi anywola jo-Juda,

Jong’ad Bura 3:30

Chiengʼno Moab nobedo e bwo loch Israel, kendo piny nobedo gi kwe kuom higni piero aboro.

Ruth 1:3

To koro Elimelek ma chwor Naomi notho, mi nodongʼ gi yawuote ariyo.

Ruth 1:5

Malon gi Kilion bende notho, kendo Naomi koro nodongʼ kende maonge yawuote ariyo kaachiel gi chwore.

Ruth 2:1

Naomi ne nigi watne moro ma jadala gi chwore, mane wuok e anywola joka Elimelek, mane nyinge Boaz. Boaz ne en ngʼama idewo momi luor.

Ruth 4:9

Eka Boaz nolando ne jodongo gi ji duto kowacho niya, “Kawuono udoko joneno ka angʼiewo kuom Naomi mwandu duto mag Elimelek gi Kilion kod Malon.

1 Samuel 1:1

Ne nitie ngʼat moro mane odak Ramathaim Zuf e piny gode mag Efraim. Ngʼatno ne nyinge Elkana wuod Jeroham ma wuod Elihu wuod Tohu, wuod Zuf ma ja-Efraim.

1 Samuel 17:12

Daudi ne en wuod ja-Efrath miluongo ni Jesse mane oa Bethlehem e piny Juda. Jesse ne nigi yawuowi aboro to e ndalo Saulo ne en ngʼat moti ma hike ngʼeny.

1 Samuel 17:21

Jo-Israel kod jo-Filistia nochanore koni gi kocha ka gimanyore.