Nehemia 8:18 - Motingʼo Loko Manyien

¹⁸ Odiechiengʼ ka odiechiengʼ, chakre odiechiengʼ mokwongo nyaka mogik, Ezra ne somo Kitap Chik mar Nyasaye. Negitimo nyasini kuom ndalo abiriyo, to chiengʼ mar aboro, kaluwore gi chik, ne nitiere chokruok mar kanyakla.

MUMA MALER 2015

¹⁸ Odiechieng kodiechieng’ chakre chieng’ mokwongo nyaka chieng’ mogik, nisomo kitap chik mar Nyasaye. Ne gitimo nyasi kuom ndalo abiriyo, to chieng’ mar aboro ne giloso sawo mogik, kaka chik dwaro.

Nehemia 8:18 Iomraidhean Croise

Nehemia 8:2

Omiyo e odiechiengʼ mokwongo mar dwe mar abiriyo, Ezra jadolo nokelo chik e nyim kanyakla mar ji, mane otingʼo chwo kod mon kod jogo duto mane nyalo winjo tiend chike.

Nehemia 8:3

Nosomo chikego matek ayanga chakre okinyi nyaka odiechiengʼ tir e nyim chwo, mon kod joma moko mane nyalo winjo tiend chikego kochungʼ momanyore gi laru mar ka miluongo ni Dhoranga Pi. Kendo ji duto nochiko itgi malongʼo ne gik mondikie Kitabu mar Chik.

Tim jo-Lawi 23:36

Kuom ndalo abiriyo chiwuru ni Jehova Nyasaye misengini miwangʼo pep, eka chiengʼ mar aboro to ubedi gi chokruok maler kendo chiengʼno uchiwni Jehova Nyasaye misango miwangʼo pep. En chokruok mitiekogo nyasi, omiyo kik uti tijeu mapile.

Tim jo-Lawi 23:41

Timuru sawoni ni Jehova Nyasaye kuom ndalo abiriyo higa ka higa. Mae en chik momakou gi nyikwau nyaka chiengʼ. Paruru ni kochopo dwe mar abiriyo to nyaka ubed gi sawoni.

Kwan 29:35

“ ‘E odiechiengʼ mar aboro chok oganda kanyakla kendo kik uti tije mapile.

Johana 7:37

Odiechiengʼ mogik mar Sawo, mane en odiechiengʼ maduongʼ ahinya, Yesu nochungʼ mowacho gi dwol maduongʼ niya, “Ngʼat ma riyo oloyo mondo obi ira omodhi.