Nehemia 8:12 - Motingʼo Loko Manyien

¹² Bangʼe ji duto nodhi mondo gichiem kendo gimethi, gior bath chiemo kendo gitim nyasi gi ilo maduongʼ, nikech koro ne gisengʼeyo tiend weche mane osomnegi.

MUMA MALER 2015

¹² Kuom mano ji duto nodhi mondo ochiem kendo omethi, kendo opog chiemo ni joma moko, kendo otim sawo gi mor maduong’, nikech ne gisewinjo gima opuonjgi.

Nehemia 8:12 Iomraidhean Croise

1 Weche mag Ndalo 29:22

Negichiemo kendo metho gimor maduongʼ odiechiengno e nyim Jehova Nyasaye. Bangʼe negichako giketo Solomon wuod Daudi kaka ruoth, kendo ne giwire gi mo e nyim Jehova Nyasaye mondo obed ruoth, to Zadok, to nowir kaka jadolo.

Nehemia 8:10

Nehemia nowacho niya, “Dhiuru kendo ubed moil ka uchamo chiemo moyier kod math mamit, bangʼe uor moko ne joma onge gi gima gichamo. Odiechiengni owalne Ruodhwa. Kik ubed gi kuyo, nikech mor mar Jehova Nyasaye e tekou.”

Nehemia 8:11

Jo-Lawi nokweyo jogo duto kawacho niya, “Kik chunyu chandre, nikech odiechiengni en odiechiengʼ mowal, bende kik ubed gi kuyo.”

Nehemia 8:13

E odiechiengʼ mar ariyo mar dwe, jotend anywola duto, kaachiel gi jodolo kod jo-Lawi, nochokore but Ezra jandiko mondo gichik itgi malongʼo ni weche manie Chik.

Esta 9:22

nikech e kindego ema ne jo-Yahudi otony e lwet wasikgi kendo e dweno ema kuyo margi nolokore mor kendo ywakgi ne olokore nyiero. Kindego nyaka bed kinde mag timo nyasi mag mor ka gioro mich mag chiemo ne jowetegi kendo mich moko bende ne jomoko modhier.

Ayub 23:12

Pok aweyo mak aluwo chike mowuok e dhoge; to asekawo weche mowuok e dhoge kaka mwandu maduongʼ moloyo chiemba mapile.

Zaburi 119:111

Chikeni e girkeni mara manyaka chiengʼ; gin e mor mar chunya.

Zaburi 119:127

Nikech ahero chikeni moloyo dhahabu, kendo moloyo dhahabu maler mogik,

Zaburi 119:130

Wachni koler tiende to kelo ler, omiyo joma riekogi tin bedo gi winjo.

Zaburi 119:14

Luwo chikeni mora mana kaka ngʼato bedo mamor kuom mwandu duto.

Zaburi 119:16

Amor ahinya gi chikeni; ok abi jwangʼo wachni.

Zaburi 119:171

Mad dhoga pongʼ gi pak, nimar isepuonja chikeni.

Zaburi 119:174

Asedwaro resruok mari matek, yaye Jehova Nyasaye; kendo chikni e morna.

Zaburi 119:72

Chik moa e dhogi berna moloyo ngʼinjo gana gi gana mag fedha gi dhahabu.

Zaburi 119:97

Yaye, mano kaka ahero chikni! Aparo kuome odiechiengʼ duto.

Jeremia 15:16

Ka wechegi nobiro, ne achamogi; ne gin morna, kendo ilo mar chunya, nimar iluonga gi nyingi, yaye Jehova Nyasaye Maratego.

Luka 24:32

Negipenjore ngʼato gi ngʼato niya, “Donge ne chunywa mor kane owuoyo kodwa e yo kendo konyisowa tiend Ndiko?”

Jo-Rumi 7:18

Angʼeyo ni onge gimoro kata achiel maber manie iya, tiende ni, kita mar richo. Nimar an-gi gombo mar timo gima ber to ok anyal time.

Fweny 11:10

Ji duto modak e piny nogo siboi kuom thogi, ka gimor kendo gimiyore chiwo, nikech jonabi ariyogo nosebedo kasando ji modak e piny.