Nehemia 6:2 - Motingʼo Loko Manyien

² Sanbalat kod Geshem noorona wach kama: “Bi mondo warom e achiel kuom mier mantiere e holo mar Ono.” To ma ne en mana riekogi mar hinya;

MUMA MALER 2015

² Mano omiyo Sanbalat gi Geshem noluonga mondo adhi gi Hakefirim e paw Ono, alos kodgi. To mano ne mana riekogi mar timona marach.

Nehemia 6:2 Iomraidhean Croise

2 Samuel 20:9

Joab nowachone Amasa niya, “Idhi nade owadwa?” Eka Joab nomako Amasa gi yie tike gi lwete ma korachwich ka gima odwaro mose gi nyoth.

2 Samuel 3:27

Koro kane Abner osedwogo Hebron, Joab notere tenge e dhorangach; ka gima odwa wuoyo kode lingʼ-lingʼ. To kendo gikanyo, ema nochuloe kuor mar Asahel, mi Joab nochwowo iye motho.

1 Weche mag Ndalo 8:12

Yawuot Elpal ne gin: Eber, Misham, Shemed (mane ogero Ono kod Lod kaachiel gi mier molworogi),

Nehemia 11:35

Lod gi Ono, kod e Holo mar Jopecho.

Nehemia 3:22

Jodolo mane odak e gwengʼ e molworo Jerusalem nogedo e dir Meremoth.

Nehemia 6:3

omiyo ne aoronegi jaote gi dwoko niya, “An kod tich maduongʼ kendo ok anyal lor piny. Ere gima tangʼ mi tich chungʼ mi aweye kendo alor piny abi iri?”

Zaburi 12:2

Ngʼato ka ngʼato riambo ne nyawadgi; dhogi mohero jaro ji wuoyo gi wuond.

Zaburi 37:12

Joma timbegi richo chano timo marach ni joma kare kendo gimwodo lekegi ka gin gi mirima;

Zaburi 37:32

Joma timbegi richo pondo karito joma kare ka gidwaro tieko ngimagi;

Eklesiastes 4:4

Kendo ne aneno ni tich matek duto kod ohala ma ngʼato yudo kuom tije timore mana nikech nyiego ma ngʼato nigo mar loyo nyawadgi. Ma bende onge tiende, ochalo gi lawo bangʼ yamo.

Jeremia 41:2

Ishmael wuod Nethania kod ji apar mane ni kode nochungʼ malo kendo onego Gedalia wuod Ahikam, ma wuod Shafan, gi ligangla, ma ginego ngʼatno ma ruodh Babulon noyiero kaka jatelo e pinyno.

Ezekiel 33:31

Joga biro iri, kaka gihero timo, kendo gibet e nyimi mondo giwinj wecheni, to ok gitim gik miwachonegi. Gihulo gi dhogi kaka gin joma ochiwore ne Nyasaye, to chunygi to owuor ne gik mimayo ji.