Nehemia 5:7 - Motingʼo Loko Manyien

⁷ Ne aparo wechego matut mi adonjone joka ruoth kod jotelo. Ne anyisogi niya, “Uyudo ohala kuom jowadu uwegi!” Omiyo ne aluongo buch galamoro mondo awuo kodgi,

MUMA MALER 2015

⁷ To nahoyo chunya, mi aparo gima onego atim. Bang’e nadhi maloso gi joka ruoth kod jotelo moko, ka akwerogi ni gisetimo marach kuom kawo jo-Yahudi wetegi ka gik mosing ni gope.

Nehemia 5:7 Iomraidhean Croise

Zaburi 109:11

Mad jagope moro mak gige duto ma en-go kendo mad joma welo oyak mwandu duto moseloso.

Zaburi 15:1

Jehova Nyasaye, en ngʼa manyalo siko kari maler milamie? En ngʼa manyalo dak e godi maler?

Zaburi 15:5

Ngʼat ma holo ji pesane ma ok odwaro ni odwokne gi gimoro e wiye kendo ma ok yie kaw asoya kuom joma onge ketho. Ngʼat matimo gik makamagi gimoro amora ok nyal yiengo.

Zaburi 27:8

Chunya wuoyo kuomi kawacho niya, “Many wangʼ Nyasaye ka ilemo!” Wangʼi, yaye Jehova Nyasaye, ema abiro manyo.

Zaburi 4:4

Ka iu owangʼ to kik utim richo; seche ma uyweyo mos e kitandau, to nonuru chunyu ka ulingʼ mos, keturu chunyu mos ka unindo e kitandau. Sela

Zaburi 94:16

En ngʼa mabiro radona gi joma timbegi richo? Ngʼatno mabiro chwaka kakedo gi joricho?

Wuok 22:24

Mirimba biro bedo mager kodu kendo abiro negou gi ligangla mondeu biro bedo monde liete kendo nyithindu biro bedo nyithi kiye.

Wuok 22:25

“Ka iholo pesa ni achiel kuom joga ma jachan mantie e dieru, to kik uchal gi ji mamoko ma holo ji pesa kendo kik ukaw ohala kuomgi.

Ngeche 27:5

Kwero ngʼato ratiro ber moloyo hera mopandi.

Ngeche 28:4

Jogo ma ok rit chik pako ngʼat marach, to jogo marito chik dagi jogo maricho.

Ezekiel 22:12

Idak gi joma oyie kawo asoya mondo gichwer remo; umayo ji kendo ukawo ohala malangʼ kuom gik muholo ji; kendo kuom wuochu mokalo tongʼ, uwuondo joweteu kumayogi marach. Kendo wiu osewil koda, an Jehova Nyasaye Manyalo Gik Moko Duto ema asewacho kamano.

Ezekiel 45:9

“ ‘Ma e gima Jehova Nyasaye Manyalo Gik Moko Duto wacho: Usedhi mabor moromo, yaye yawuot ruodhi mag Israel! Weuru mahundu mau kendo weuru tiyo ji githuon, to timuru gik ma adier kendo makare. Weuru sando joga, Jehova Nyasaye Manyalo Gik Moko Duto osewacho.

Tim jo-Lawi 19:15

“ ‘Kik iketh buch ngʼato, to ngʼad bura kare ma kik idogne jachan kata luoro wangʼ ngʼama duongʼ, to ngʼadne wadu bura makare kichungʼ e adiera.

Tim jo-Lawi 25:36

Kik ukaw ohala moro amora kuome, to daguru kode kuluoro Nyasachu.

Mathayo 18:17

Kodagi winjogi, to nyis kanisa wachno; to kodagi winjo nyaka kanisa, to kawe kaka dikaw ngʼat ma japiny kata jasol osuru.

2 Jo-Korintho 5:16

Omiyo chakre sani koro ok wangʼe ngʼato e yo mapiny ngʼeyogo ji. Kata obedo ni kinde moko ne wangʼeyo Kristo e yo makamano, tinde ok watim kamano kendo.

Jo-Galatia 2:11

Kane Petro obiro Antiokia, ne akwere e wangʼe nikech kethone ne nenore ratiro.

1 Timotheo 5:20

Joma osiko timo richo nyaka kwer ratiro e nyim ji eka joma moko obed maluor.

Tito 2:15

Koro magi e gik monego ipuonji. Jiw ji kendo ikwergi gi teko duto. Kik iwene ngʼato thuolo mondo ochayi.