Nehemia 3:16 - Motingʼo Loko Manyien

¹⁶ Nehemia wuod Azbuk, mane jatend dir gwengʼ Beth Zur, nogedo e dir Zalum mochopo nyaka kama omanyore gi liend Daudi mochopo nyaka yawo mokuny kod od jolweny.

MUMA MALER 2015

¹⁶ Nehemia wuod Azbuk, jatend dir gweng’ Bethzur, nogedo e dir Shalum, mochopo nyaka kar liend Daudi, kendo nyaka yawo mokuny, kod od jolweny.

Nehemia 3:16 Iomraidhean Croise

2 Ruodhi 20:20

To kuom gik mamoko duto mag ndalo loch Hezekia, gi gik moko duto mane otimo kod kaka ne oloso soko kod kuonde pi mokelo e dala maduongʼ, donge ondikgi e kitepe mag weche ruodhi mag Juda?

1 Weche mag Ndalo 2:45

Wuod Shamai ne en Maon, to Maon ne wuon Beth Zur.

2 Weche mag Ndalo 11:7

Beth Zur, Soko, Adulam,

2 Weche mag Ndalo 16:14

kendo negi yike e liel mane okunyo e Dala Maduongʼ mar Daudi. Negipiele e kitanda mopongʼ kod gik mangʼwe ngʼar moruw maber kendo negiloso magenga maduongʼ ka imiyego duongʼ.

Nehemia 2:14

Bangʼe ne adhi nyime nyaka e Dhoranga Thidhia kod Dago mar Ruoth, makmana ne onge thuolo kama farasa ne nyalo kadhogo;

Nehemia 3:12

Shalum wuod Halohesh, ma jatend dir gwengʼ Jerusalem komachielo ne gedo e dir jogo ka nyige konye.

Nehemia 3:14

Dhoranga Owuoyo noger gi Malkija wuod Rekab, ma ruodh Beth Hakerem. Norwako dhoute, radedi kod lodi mage.

Nehemia 3:17

Jo-Lawi mane otelnigi gi Rehum wuod Bani ema ne otiyo e dir Nehemia. Hashabia mane jatend dir gwengʼ Keila nogedo e dir Rehum wuod Bani kochungʼ ni jogwengʼ-gi.

Nehemia 3:9

Refaya wuod Hur, mane jatend dir dala maduongʼ mar Jerusalem, nogero migape mokiewo gi migap Hanania.

Eklesiastes 2:6

Ne akunyo yewni ma pi gudore mondo yiendego oyud pi.

Wer Mamit 3:7

Neuru, en gach Solomon, kikowe gi jolweny piero auchiel, ma gin jo-Israel maroteke,

Isaya 22:11

Ne gikunyo yawo e kind ohinga ariyogo ne pi mawuok e soko machon, to ne ok upenjo Jal mane olose, kata miyo Jalno mane ochane luor.

Isaya 22:9

Ne uneno ka kuonde mangʼeny mar ohinga mar Dala Maduongʼ mar Daudi omukore, omiyo ne uchiko pi odhi e soko mamwalo.

Isaya 7:3

Eka Jehova Nyasaye nowachone Isaya niya, “Wuogi in kaachiel gi wuodi miluongo ni Shear-Jashub udhi mondo urad gi Ahaz kama oula madonjo e yawo mamalo ogikie mantie but yo miluongo ni Puoth Jaluok lewni.

Tich Joote 2:29

“Owetena, anyalo wachonu ka an gichir ni Daudi kwarwa notho mi noyike, kendo liende ni kodwa nyaka kawuono.

Joshua 15:58

Mier mamoko ne gin: Halhul, Beth Zur, Gedor,