Nehemia 1:11 - Motingʼo Loko Manyien

¹¹ Yaye, Ruoth Nyasaye, mad ichik iti ne lamo mar jatichnini kendo bende ni lamo mag jotichni man-gi ilo mar miyo nyingi luor. Mi jatichni odhi maber ka inyise ngʼwono e nyim ngʼatni.” Ne an jatingʼ divai mar ruoth.

MUMA MALER 2015

¹¹ Yie ichik iti mondo iwinj kwayona kod kwayo jotichni mohero luoro nyingi, kendo yie iguedha kawuononi, mondo imi jal matiyone ogena.” E kindeno ne an jagam divai mar ruoth Artaxerxes.

Nehemia 1:11 Iomraidhean Croise

Chakruok 24:42

“Kane abiro e soko kawuono, nawacho ni, ‘Yaye Jehova Nyasaye, Nyasach ruodha Ibrahim, kalongʼoni, to gwedh wuodhani.

Chakruok 32:11

Alamo ni mondo iresa e lwet owadwa Esau nikech aluor ni obiro biro ma omonja kaachiel gi mon kod nyithindgi.

Chakruok 32:28

Eka ngʼatno nowacho niya, “Nyingi ok nochak oluongi ni Jakobo, to noluongi ni Israel nikech ise ii gi Nyasaye kod ji mi iseloyo.”

Chakruok 40:1

Bangʼ ndalo moko jagam divai kod jated makati mar Farao ruodh Misri nochwanyo ruoth.

Chakruok 40:2

Mirima nomako Farao gi jotichge ariyogo, ma gin jotend jagam divai kod jatend joma tedo makati.

Chakruok 40:21

Nodwoko jatend jogam divai e tije, mondo omi ochak oket kikombe e lwet Farao,

Chakruok 40:23

To kata kamano jatend jogam divai ne ok oparo Josef; wiye nowil kode.

Chakruok 41:9

Eka jatend jogam divai nowacho ne Farao niya, “Aparo kethona kawuono.

Chakruok 43:14

Kendo mad Nyasaye Maratego timnu ngʼwono e nyim ngʼatno mondo mi owe owadu kod Benjamin mondo oduog kodu. To an to kochuno ni nyaka abed mokuyo to abiro kuyo.”

2 Weche mag Ndalo 6:40

“Koro Nyasacha, yie mondo wengegi oyawre kendo itgi mondo owinj maber lemo ma wachiwo kaeni.

Ezra 1:1

E higa mokwongo mar loch Sairas ruodh Pasia, mondo ochop singo mar wach Jehova Nyasaye mane Jeremia okoro, Jehova Nyasaye nowuoyo gi chuny Sairas ruodh Pasia mondo ogol lendo e pinye duto koketo e ndiko kama:

Ezra 7:6

Ezra-ni noduogo koa Babulon. Ne en japuonj man-gi lony mathoth kuom Chik Musa, ma Jehova Nyasaye, ma Nyasach Israel, nochiwo. Ruoth nomiye gimoro amora mano kwayo, nimar lwet Jehova Nyasaye, ma Nyasache ne ni kuome.

Nehemia 1:6

Yie ichik iti kendo iyaw wangʼi mondo iwinj lemo ma jatichni lamo odiechiengʼ gotieno ne jotichni, ma gin jo-Israel. Ahulo richowa ma wan jo-Israel, kaachiel gi an kod od wuora wasetimoni;

Nehemia 2:1

E dwe mar Nisan e higa mar piero ariyo mar loch Ruoth Artaksases, kane okelne divai, ne akawo divai mi amiyo ruoth. Ne pok abedo ka an gi kuyo e nyime nyaka nene;

Nehemia 2:8

Kendo mad imiya baruwa ma aterone Asaf, ma jarit yiend bunge magi, mondo obi omiya sirni migerogo dhoranga dala maduongʼ mochomore gi hekalu kendo alosgo ohinga mar dala kod ot mabiro dakie?” To nikech lwet Nyasacha ma jangʼwono ne ni koda, ruoth noyie gi kwayona duto.

Zaburi 106:46

Nochuno ji duto mane oketogi wasumbini mondo okechgi.

Zaburi 130:2

Yaye Jehova Nyasaye, yie iwinj dwonda. Chik iti ne ywakna ma aywaknigo mondo ikecha.

Zaburi 61:5

Nikech isewinjo singruokna kodi, yaye Nyasaye; isemiya gweth mikano ne joma oluoro nyingi.

Zaburi 86:6

Winj lamona, yaye Jehova Nyasaye; chik iti ne ywakna ma akwayigo kech.

Ngeche 1:29

Kaka ne ok gidwar puonj kendo ok negiyiero luoro Jehova Nyasaye,

Ngeche 21:1

Chuny ruoth ni e lwet Jehova Nyasaye, ochike mana kaka kuonde ma pi luwo kendo kaka ohero owuon.

Jeremia 42:12

Anatimnu ngʼwono mondo omi en bende ongʼwonnu kendo odwoku e pinyu.’

Malaki 3:16

Eka joma ne oluoro Nyasaye nowuoyo e kindgi giwegi, kendo Jehova Nyasaye nochiko ite mowinjogi. Nying joma oluoro Jehova Nyasaye kendo mamiyo nyinge duongʼ nondiki e kitabu moro e nyime.

Jo-Hibrania 13:18

Lemnwauru alema. Wangʼeyo malongʼo ni waonge wach gi ngʼato kendo wadwaro ni ngimawa obed mobidhore e yore duto.