Mathayo 5:6 - Motingʼo Loko Manyien

⁶ Ogwedh jogo makech kayo kendo riyo mar tim makare oloyo, nimar gibiro yiengʼ.

MUMA MALER 2015

⁶ “Joma kech gi riyo mar dwaro tim makare oloyo gin johawi, nikech giniyud gima gidwaro.

Mathayo 5:6 Iomraidhean Croise

Zaburi 107:9

nimar otieko riyo mar joma riyo oloyo kendo omiyo joma odenyo yiengʼ gi gik mabeyo.

Zaburi 145:19

Ochopo dwaro mag joma omiye luor; adier, owinjo ywakgi kendo oresogi.

Zaburi 17:15

To anane wangʼi ka ngimana nikare; ka achiewo, abiro romo ka aneno kiti kaka ichal.

Zaburi 63:5

Chunya biro romo mana ka ngʼama oromo gi chiemo mabeyo mogik; abiro yawo dwonda ka apaki gi wer.

Zaburi 65:4

Joma iyiero gin joma ogwedhi, jogo ma ikelo machiegni mondo odag e hekalu mari! Gik mabeyo mowuok e odi oromowa chuth, mana gigo moa e hekalu mari maler.

Zaburi 84:2

Chunya gombo kendo njawni ka agombo bedo e od Jehova Nyasaye; Chunya gi denda duto wer gi mor ne Nyasaye mangima.

Ngeche 10:24

Gima ngʼat marach oluoro biro loye; to gima ngʼat makare dwaro ibiro miye.

Ngeche 21:21

Ngʼatno maluwo tim makare kod hera yudo ngima, mwandu gi luor.

Wer Mamit 5:1

Asebiro e puotha, yaye jaherana; asechoko ubani gi modhi madungʼ tik mangʼwe ngʼar, asechamo pednina kaachiel kod mor kich mara; kendo asemadho divaina kod chak. Yaye osiepena, chiemuru kendo methuru; yaye joherana, methuru ma romu.

Isaya 25:6

Ewi godni Jehova Nyasaye Maratego biro loso nyasi mar chiemo mamiyo ne oganda duto, sawo mar divai mosekan, kod chiemo mabeyo gi divai molos maber.

Isaya 41:17

“Joma chandore kendo joma odhier manyo pi, to ok gininwangʼ, omiyo dwondgi otwo nikech riyo ohingogi. To an Jehova Nyasaye abiro resogi; An, ma an Nyasach Israel ok anajwangʼ-gi.

Isaya 44:3

Nimar abiro kelo koth ne piny mobaro okak kendo loso aore e piny motwo; bende anaol Roho mara ne nyikwayi kendo anagwedh kothi.

Isaya 65:13

Kuom mano ma e gima Jehova Nyasaye Manyalo Gik Moko Duto wacho: “Jotichna nochiem, to unudeny; jotichna nomethi, to unuwinj riyo; jotichna nobed gimor, to unune wichkuot.

Isaya 66:11

Nimar ibiro piru maber kudhodho thunde; kendo unumethi gi ilo mi ubed gi mor mogundho.”

Jeremia 31:25

Anami joma ool teko kendo joma chunygi onyosore anajiw.”

Luka 1:53

Oseyiengʼo jokech gi gik mabeyo to oseriembo jo-mwandu gi lwetgi nono.

Luka 6:21

Ogwedhu un joma kech kayo sani, nimar unuyiengʼ. Ogwedhu un muywak sani, nimar ununyier.

Luka 6:25

Okwongʼu un joma yiengʼ maber e kindeni, nimar unudeny. Okwongʼu un jogo manyiero sani, nimar ubiro kuyo kendo ywak.

Johana 4:14

to ngʼato angʼata momodho pi mamiye ok nochak owinj riyo. Chutho, pi ma anamiye nodok soko mar pi e iye, mosiko ka bubni nyaka chop e ngima mochwere.”

Johana 6:27

Weuru tiyo ni chiemo marumo, to tiuru ni chiemo masiko nyaka chop uyud ngima mochwere, ma Wuod Dhano biro miyou. Nyasaye Wuoro oseketo kido mare kuome manyiso ni oyie kode.”

Johana 7:37

Odiechiengʼ mogik mar Sawo, mane en odiechiengʼ maduongʼ ahinya, Yesu nochungʼ mowacho gi dwol maduongʼ niya, “Ngʼat ma riyo oloyo mondo obi ira omodhi.

Fweny 7:16

Kech ok nokagi ngangʼ kendo bende kata riyo ok nomak gi kendo. Liet mar wangʼ chiengʼ ok norieny kuomgi kata liet moro mager ok nowangʼ-gi.