Mathayo 4:9 - Motingʼo Loko Manyien

⁹ Nowachone niya, “Magi duto abiro miyi ka ikulorina piny kendo ilama.”

MUMA MALER 2015

⁹ Nowachone niya, “Magi duto abiro miyi, ka igoyo chongi piny, milama.”

Mathayo 4:9 Iomraidhean Croise

Zaburi 72:11

Ruodhi duto biro kulorene kendo ogendini duto biro tiyone.

Ngeche 8:15

An ema amiyo ruodhi locho kendo joloch loso chike makare.

Daniel 4:32

Ibiro riembi ia kuom ji kendo ibiro dak gi le mager; kichamo lum gi dhogi ka dhiangʼ kuom higni abiriyo kendo iningʼe ni Jal Man Malo Mogik nigi teko ewi pinjeruodhi duto kendo ochiwogi ni ngʼato angʼata mohero.”

Mathayo 26:15

mopenjogi niya, “Angʼo mubiro miya ka achiwe e lwetu?” Omiyo ne gikwanone pesa mamingli mag fedha piero adek.

Mathayo 4:10

Yesu nowachone niya, “Aa kuoma, Satan! Nikech ondiki ni, ‘Lam Jehova Nyasaye ma Nyasachi kendo en kende ema itine.’”

Johana 12:31

Koro sa osechopo ma ingʼadone piny bura, kendo sani ema ruodh pinyni noriemb oko.

Johana 13:3

Yesu nongʼeyo ni Wuoro noseketo gik moko duto e bwo tekone, kendo ni noa ka Nyasaye kendo nobiro dok ir Nyasaye;

Johana 14:30

Ok abi wuoyo kodu amingʼa nimar ruodh pinyni biro, to oonge gi teko kuoma.

Johana 16:11

kendo abiro nyisogi kuom kum mabiro, nikech ruodh pinyni koro bura oseloyo.

2 Jo-Korintho 4:4

Joma kamago otamore yie nikech nyasach pinyni osedino pachgi mondo kik gine ler mar Injili manyiso duongʼ mar Kristo, ma en e kido mar Nyasaye.

1 Timotheo 3:6

Kik obed ngʼat moyudo warruok machiegni, nono to sunga nyalo make mi opodhi kendo bura loye kaka noloyo jachien.

Fweny 19:10

Bangʼe napodho piny e tiende mondo alame. To nowachona niya, “Ngangʼ! Kik itim kamano! An bende an mana jatich wadu matiyo kodi kaachiel gi oweteni mahulo wach kuom Yesu gichir. Nyasaye kende ema owinjore ilam! Wach adieri man kuom Yesu ema miyo jonabi Roho mar koro wach mar Yesu.”

Fweny 19:16

En gi nying moro mondik e kandhone kendo e bamne ni: Jaloch mar joloch kendo Ruoth mar ruodhi.