Mathayo 2:22 - Motingʼo Loko Manyien

²² To kane owinjo ni Arkelao nobet e loch e piny Judea kar wuon-gi ma Herode, noluoro dok kuno. Kaka nosesieme e lek, noloko wuoth modhi e gwengʼ mar Galili,

MUMA MALER 2015

²² To kane owinjo ni Arkelao osebedo ruoth Judea kar Herode wuon mare, ne oluoro dok kuno. Ne onyise e lek gima onego otim, omiyo ne odhi e piny Galili,

Mathayo 2:22 Iomraidhean Croise

Zaburi 121:8

Jehova Nyasaye biro riti kidonjo kendo kiwuok, obiro timo kamano sani kendo nyaka chiengʼ.

Zaburi 48:14

Nikech Nyasaye en Nyasachwa manyaka chiengʼ obiro bedo jaritwa nyaka chop giko ndalowa e piny.

Zaburi 73:24

Itaya gi rieko mingʼadona kendo bangʼe ibiro tera kar duongʼ.

Isaya 30:21

Kata ka ubaro korachwich kata koracham, itu to nowinj dwol mawuok ka ngʼeu, kawacho niya, “Ma e yo; luweuru.”

Mathayo 1:20

To bangʼ paro mar timo kamano, Malaika mar Ruoth nofwenyorene e lek mowachone niya, “Josef wuod Daudi, kik iluor dhi gi Maria dala kaka chiegi, nikech gima otingʼo e iye owuok kuom Roho Maler.

Mathayo 2:1

Bangʼ kane osenywol Yesu e dala mar Bethlehem e piny Judea, e ndalo loch Ruoth Herode, Joma Riek moko moa yo wuok chiengʼ nobiro Jerusalem,

Mathayo 2:19

Bangʼ ka Herode nosetho, malaika mar Ruoth nofwenyore ne Josef e lek ka en Misri kuno,

Mathayo 2:21

Omiyo noa malo, mokawo nyathi gi min mare, kendo nodhi e piny Israel.

Mathayo 3:13

Eka Yesu nobiro koa e piny Galili nyaka e aora Jordan mondo Johana obatise.

Luka 2:39

Kane Josef gi Maria josetimo duto mane dwarore kaluwore gi chik mar Ruoth, negidok Galili e dala margi Nazareth.

Johana 7:52

Negidwoke niya, “Donge in bende ia Galili? Non maber, to ibiro yudo ni onge janabi manyalo aa Galili.” [Loko moko machon mag Muma kata joneno moko machon ne ok ondiko Joh 7:53–8:11.] [

1 Samuel 16:2

To Samuel nopenje niya, “Dadhi nade? Saulo biro winjo wachno to obiro nega.” Jehova Nyasaye nowacho niya, “Kaw nyaroya idhigo kendo iwachne ni abiro timo misango ne Jehova Nyasaye.