Mathayo 17:6 - Motingʼo Loko Manyien

⁶ Kane jopuonjre owinjo wachno, luoro nomakogi mi gipodho piny ka gikulo wiyegi piny.

MUMA MALER 2015

⁶ Kane jopuonjre owinjo dwolno, luoro nomakogi malich, mi gipodho piny auma.

Mathayo 17:6 Iomraidhean Croise

1 Weche mag Ndalo 21:16

Daudi nongʼiyo malo ma oneno malaika mar Jehova Nyasaye kochungo e kind polo gi piny ka otingʼo ligangla mager e lwete mane orieyo kuom Jerusalem. Bangʼe Daudi gi jodongo nopodho piny auma ka girwakore gi pien gugru.

Ezekiel 3:23

Omiyo ne aa malo mi awuok adhi oko e pap, kendo duongʼ mar Jehova Nyasaye nochungʼ kanyo, machal gi duongʼ manoyudo aseneno e bath Aora Kebar, mine apodho auma.

Ezekiel 43:3

Fweny mane aneno ne chalo gi fweny mamoko mane oyudo aseneno kane obiro ketho dala maduongʼ kendo ka fweny mane aseneno e bath Aora Kebar, kendo ne apodho piny auma.

Daniel 8:17

Kane osudo but kama ne achungʼe, luoro nomaka mine apodho piny auma. To nowachona niya, “Wuod dhano, bed gi ngʼeyo ni fweny misenenoni wuoyo kuom ndalo giko.”

Tim jo-Lawi 9:24

Mach nomuoch e nyim Jehova Nyasaye kendo nowangʼo misango miwangʼo pep kaachiel gi migepe mag boche manie wi kendo mar misango. Kane ji oneno gima notimoreno, negipongʼ gimor mi gipodho auma.

Mathayo 17:5

Kane pod owuoyo, boche polo nobiro apoya moumogi, kendo dwol moro noa e boche polo kawacho niya, “Ma en Wuoda mahero kendo en ema chunya mor kode, winjeuru!”

Mathayo 17:7

Yesu nobiro irgi momulogi, kowacho niya, “Auru malo, kendo weuru bedo maluor.”

Tich Joote 22:7

Ne agora piny kendo ne awinjo dwol moro kawachona ni, ‘Saulo! Saulo! Isanda nangʼo?’

Tich Joote 26:14

Ne wapodho piny waduto, eka ne awinjo dwol moro kawuoyo koda gi dho jo-Hibrania ni, ‘Saulo, Saulo, isanda nangʼo? Riwi mabith migweyono biro mana hinyi in iwuon.’

2 Petro 1:18

Wan wawegi ne wawinjo dwolno mane oa e poloni, kane wan kode ewi got maler.

Jong’ad Bura 13:20

E sa ma pilni mach ne dhwolore koa e kendo mar misango kochiko polo, malaika mar Jehova Nyasaye nodhi malo koluwo pilni mach. Kane gineno ma, Manoa gi chiege nopodho piny auma.

Jong’ad Bura 13:22

Nowachone chiege niya, “Wabiro tho nikech waseneno Nyasaye gi wangʼwa!”