Mathayo 17:1 - Motingʼo Loko Manyien

¹ Bangʼ ndalo auchiel, Yesu nokawo Petro gi Jakobo, kod Johana owadgi Jakobo mi notelonegi ma gidhi ewi got malo kar kendgi.

MUMA MALER 2015

¹ Bang’ ndalo auchiel, Yesu nokawo Petro kaachiel gi Jakobo kod Johana owadgi Jakobo, moterogi malo ewi got mabor kar kendgi.

Mathayo 17:1 Iomraidhean Croise

Mathayo 17:2

Kane gin kuno kite nolokore ka gineno. Lela wangʼe norieny ka chiengʼ, kendo lepe nolokore rachar marieny ka ler.

Mathayo 26:37

Nokawo Petro kod yawuot Zebedi ariyo modhigo, eka nochako bedo gi kuyo kod paro mangʼeny.

Mariko 13:3

Kane oyudo Yesu obet ewi Got Zeituni, momanyore gi hekalu, Petro gi Jakobo, gi Johana kod Andrea nopenje lingʼ-lingʼ ni,

Mariko 5:37

Yesu koro ne ok oyie mondo ngʼat moro oluwe makmana Petro gi Jakobo kod Johana owadgi Jakobo.

Luka 8:51

Kane ochopo e od Jairo, ne ok oyie ni ngʼato moro amora mondo odonj kode makmana Petro, Johana gi Jakobo kod wuon nyathi gi min mare.

2 Jo-Korintho 13:1

Ma koro dhi bedo limbena mar adek malimo-ugo. Muma wacho niya, “Wach moro mantie e kind ji nyaka ngʼere malongʼo ka nitiere joneno ariyo kata adek.”

2 Petro 1:16

Ne ok waluwo sigendini ma dhano ochuogo gi riekone kane wanyisou teko kod biro mar Ruodhwa Yesu Kristo, to wawegi ne wan joneno mar duongʼne.

2 Petro 1:18

Wan wawegi ne wawinjo dwolno mane oa e poloni, kane wan kode ewi got maler.