Mathayo 12:7 - Motingʼo Loko Manyien

⁷ Ka dine bed ni usengʼeyo tiend wach mawacho ni, ‘Gima adwaro en ni ukech joweteu to ok ni uchiwna misango,’ to dine ok ungʼado bura ne joma onge ketho.

MUMA MALER 2015

⁷ Muma wacho ni, ‘Ok adwar mondo ji otimna misango, to adwaro mana ni mondo gibed mang’won.’ Dine bed ni uwinjo tiend wachno, to da ok ung’ado bura ni joma ok oketho,

Mathayo 12:7 Iomraidhean Croise

Ayub 32:3

Iye nowangʼ bende gi osiepe Ayub adek nikech negisiko mana ka gingʼado ne Ayub bura, to kata obedo nine oonge ketho.

Zaburi 109:31

Nimar ochungʼ e bat korachwich mar ngʼat mochando, mondo ores ngimane kuom joma ngʼadone buch tho.

Zaburi 94:21

Ginywako ne joma kare kendo gingʼadone joma onge ketho buch tho.

Ngeche 17:15

Jehova Nyasaye mon-gi ngʼama chwako jaketho kata kumo ngʼat maonge ketho.

Hosea 6:6

Nimar adwaro ni ukech joweteu, to ok ni uchiwna misango, kendo ngʼeyo Nyasaye ber moloyo misengini miwangʼo pep.

Mathayo 22:29

Yesu nodwokogi kawacho niya, “Ukoso nikech ukia Ndiko kata teko Nyasaye.

Mathayo 9:13

To dhiuru upuonjru tiend wachni, ‘Gima adwaro en ni ukech joweteu, to ok ni uchiwna misango.’ Nimar ok ne abiro mondo aluong joma kare, to nabiro mondo aluong joricho.”

Mariko 12:33

Ka ihero Nyasaye gi chunyi duto gi riekoni duto gi tekoni duto, kendo kihero wadu kaka iherori iwuon to mano duongʼ moloyo misango miwangʼo pep gi misengini mamoko.”

Tich Joote 13:27

Jo-Jerusalem gi jotendgi ne ok ongʼeyo ni Yesu e Jawar, to kata kamano, kane gingʼadone buch tho, to negichopo mana weche jonabi misomo pile chiengʼ Sabato.

Jakobo 5:6

Usengʼado bura mi unego joma kare, mane ok ked kodu e yo moro amora.

Joshua 5:5

Jogo duto mane oa Misri noseter nyangu, makmana joma nonywol e thim ka gisea Misri ema ne pod ok oter nyangu.

1 Samuel 15:22

Samuel nodwoke niya, “Iparo ni Jehova Nyasaye mor gi chiwo kod misengini miwangʼo pep moloyo winjo dwonde? Winjo wach ber moloyo chiwo misango kendo chiko it ber moloyo boche imbe,