Kwan 7:3 - Motingʼo Loko Manyien

³ Chiwo mane gikelo e nyim Jehova Nyasaye ne gin geche auchiel moum wiye gi rwedhi mabwoch apar gariyo. Jatelo ka jatelo nogolo rwadh bwoch achiel bende jotelo ariyo noriwore mochiwo gari achiel moum wiye. Gigi duto negikelo e nyim hekalu.

MUMA MALER 2015

³ Chiwo mane gikelo e nyim Ruoth Nyasaye e magi: Geche auchiel moum wigi, kaachiel gi ruedhi apar gariyo. Ruodhi ariyo ariyo nochiwo gari achiel achiel, kendo ruoth ka ruoth nochiwo rwath achiel. Kane gikelo gigo e nyim Hema Maler, Ruoth Nyasaye nowacho ni Musa niya,

Kwan 7:3 Iomraidhean Croise

Chakruok 45:19

Bende asemiyi chik mondo inyisgi niya, “Kawuru geche miywayo gi punde e piny Misri mondo udhi uomgo nyithindeu gi mondeu kod wuonu kendo ubi kodgi ka.

Chakruok 45:21

Omiyo yawuot Israel notimo kamano. Josef nomiyogi geche miywayo gi punde, mana kaka Farao nowachone kendo en bende nomiyogi gik mane ginyalo konyore godo e yo.

Ezra 2:68

Kane gichopo e od Jehova Nyasaye man Jerusalem, jotend mier mamoko nochiwo chiwo mar hera ne gedo mar od Nyasaye e kare mane entiere chon.

Wuok 25:2

“Nyis jo-Israel mondo okelna chiwo. Inichokna chiwogo moro amora kuom ji duto moyie golo kuom herogi.

Isaya 66:20

Kendo ginikel oweteni duto koa e ogendini duto, e goda maler ma en Jerusalem kaka gir misango ne Jehova Nyasaye ka moko oidho farese, geche lweny, pundane kod ngamia,” Jehova Nyasaye owacho. “Gibiro kelogi mana kaka jo-Israel kelo misengini e od Jehova Nyasaye, ka gitingʼogi e tewni maler.

Amos 2:13

“Sani koro abiro diyou piny kama untie, mana ka cham mopongʼo gari mayiecho gari.

Kwan 7:4

Jehova Nyasaye nowacho ne Musa niya,