Joshua 23:10 - Motingʼo Loko Manyien

¹⁰ Ngʼato achiel biro lawo ji alufu achiel, nikech Jehova Nyasaye ma Nyasachu kedonu, mana kaka ne osingonu.

MUMA MALER 2015

¹⁰ Ng’at achiel kuomu nyalo riembo ji gana achiel, nikech Ruoth Nyasaye ma Nyasachu ema kedonu kaka nosingore.

Joshua 23:10 Iomraidhean Croise

2 Samuel 23:8

Magi e nyinge thuondi mag Daudi: Josheb-Bashebeth ja-Takemon, ne thuon kuom thuondi adek; nokawo tongʼe monegogo ji mia aboro e lweny dichiel.

1 Weche mag Ndalo 5:20

Ne okonygi kuom kedo kendo Nyasaye nomiyogi e lwetgi jo-Hagri, to gi jogo duto mane oriwore kodgi nikech ne giywagorene e ndalo lweny. To ne odwoko lamogi nikech negiketo yie margi kuome.

1 Weche mag Ndalo 5:22

to mamoko mangʼeny to neginego, nikech lweny ne mar Nyasaye. Pinyni nobedo margi nyaka ne otergi e twech.

Zaburi 35:1

Yaye Jehova Nyasaye kedi gi joma kedo koda; ked gi joma lawa.

Zaburi 46:7

Jehova Nyasaye Maratego ni kodwa; Nyasach Jakobo e ohingawa. Sela

Wuok 14:14

Jehova Nyasaye biro kedonu; owinjore ubed gi kwe.”

Isaya 30:17

Jou alufu achiel noringi ka ngʼato achiel obwogogi; bende jou noring duto ka ji abich obwogogi, mi unudongʼ kar kendu, mana ka yiend bandera mochwo ewi got malo kata ka law bandera mafwadhore ewi got.”

Tim jo-Lawi 26:7

Unuriemb jowasiku duto e dieru kendo ununeg-gi.

Tim jo-Lawi 26:8

Jou abich nobed gi teko mar riembo ji mia achiel, kendo jou mia achiel nobed gi teko mar riembo ji gana apar, kendo ununeg wasiku.

Zekaria 12:8

Odiechiengno Jehova Nyasaye biro chielo joma odak Jerusalem mondo joma nyap mogik e diergi ochal gi Daudi, kendo joka Daudi nochal kaka Nyasaye, ka malaika mar Jehova Nyasaye otelonegi.

Jo-Rumi 8:31

Koro en angʼo ma wanyalo wacho kuom wachni? Ka Nyasaye en jakorwa, to en ngʼa ma diked kodwa mi lowa?

Rapar mar Chik 20:3

Enowach niya, “Winjuru, yaye jo-Israel kawuono udhi kedo gi wasiku, kik chunyu aa kata luoro maku, kik kihondko gou bende kik utetni e nyimgi.

Rapar mar Chik 20:4

Nimar Jehova Nyasaye ma Nyasachu ema nodhi kodu mondo okednu kuom wasiku mondo omiu loch.”

Rapar mar Chik 28:7

Jehova Nyasaye noket wasiku ma monjou e lwetu mi unulogi. Ginimonju ka gin oganda achiel, to ginike ka gia iru ka gin migepe abiriyo.

Rapar mar Chik 3:22

Kik uluorgi; nikech Jehova Nyasaye ma Nyasachu owuon nokednu.”

Rapar mar Chik 32:20

Nowacho niya, “Abiro pandonegi wangʼa” mondo aneye kaka gikogi nobedi, nimar gin tiengʼ mobaro, nyithindo ma ok jo-adieri,

Rapar mar Chik 32:30

Ere kaka ngʼato achiel nyalo riembo ji alufu achiel, kata ji ariyo miyo ji alufu apar ringi, makmana ka ok Jehova Nyasaye ma Lwandagi ema oweyogi mi oketogi e lwet wasikgi.

Joshua 10:42

Joshua nomako ruodhigo duto kaachiel gi pinjegi e lweny achielno nimar Jehova Nyasaye, ma Nyasach Israel, nokedo ni joge.

Joshua 23:11

Omiyo beduru motangʼ mondo uher Jehova Nyasaye ma Nyasachu.

Joshua 23:3

Un uwegi useneno gigo ma Jehova Nyasaye osetimo ni ogendinigi duto nikech un; ne en Jehova Nyasaye ma Nyasachu ema nokedonu.

Jong’ad Bura 15:15

Noyudo chogo manyien mar lemb punda, nokawe kendo nonego ji alufu achiel.

Jong’ad Bura 3:31

Bangʼ Ehud, Shamgar wuod Anath nobiro, en ema ne onego jo-Filistia mia auchiel gi bidhi. En bende noreso jo-Israel.

1 Samuel 14:6

Jonathan ne owacho ne wuowi matingʼo gige lwenje niya, “Bi mondo waidh wadhi e kambi joma ok oter nyangugi. Kamoro dipo ka Jehova Nyasaye nyalo tiyo kodwa. Onge gima nyalo tamo Jehova Nyasaye reso kata ka gin ji mangʼeny kata ka gin ji manok.”