Joshua 20:9 - Motingʼo Loko Manyien

⁹ Ja-Israel moro amora kata jadak mora amora modak e diergi ma nonego ngʼato ka ok ochano kendo ka oonge gi paro mar nege mondo odhi e mier madongo mowal mar tony mondo kik neg-gi gi ngʼatno madwaro chulo kuor kapok otergi e bura e nyim kanyakla.

MUMA MALER 2015

⁹ Mago ne gin mier mane ng’at moneko nyalo tonyie. Ne oketgi ni jo-Israel duto, kendo ni jodak mane ni kodgi. Ng’ato ang’ata mane oneko kobothne, ne nyalo ringo kuno, mondo ng’at ma dwaro chulone kuor kik nege, kapok oyale e nyim oganda.

Joshua 20:9 Iomraidhean Croise

Kwan 35:13

Mier auchiel muchiwogi nobed mier mag tony.

Kwan 35:15

Mier auchielgo nobed kuonde tony ne jo-Israel, jodak kod ngʼato angʼata modak kodgi, mondo omi ngʼato angʼata monego ngʼat machielo kobothne nyalo ringo dhiye.

Joshua 20:4

“Ka oringo mi obiro e achiel kuom mier madongogi, to nyaka ochungʼ e dhorangach mar dala maduongʼ mondo owach malongʼo chandruok mare e nyim jotend dala maduongʼno. Bangʼ mano to girwake ei dalagi maduongʼno kendo gimiye kama odakie kodgi.

Joshua 20:6

Nyaka odag e dala maduongʼ kanyo machop chiengʼ bura e nyim kanyakla kendo nyaka chop chiengʼ ma jadolo maduongʼ marito kanyo tho. Bangʼeno onyalo dok e dalane owuon, ma en dalano mane oringo koaye.”

Joshua 20:8

To yo wuok chiengʼ mar Aora Jordan (e piny mamalo momanyore gi Jeriko) negiyiero Bezer manie thim kuom piny dhood Reuben gi Ramoth mantiere Gilead kuom piny dhood Gad, kod Golan mantiere Bashan e dhood Manase.