Joshua 18:8 - Motingʼo Loko Manyien

⁸ E kinde mane jogi owuok mondo gidhi ginon piny, Joshua nomiyogi chik niya, “Dhiuru kendo utim nonro malongʼo mar pinyni kendo undik gik moko duto muyudo e iye. Bangʼe dwoguru ira kendo abiro miyou pok maru Shilo e nyim Jehova Nyasaye.”

MUMA MALER 2015

⁸ Joma noyiergo nodhi, mowuotho e pinyno duto ka ginono kaka ochalo, nikech Joshua nosechikogi niya, “Dhiuru uwuoth e pinyno duto, kendo undik kaka ochalo; eka uduog ira Shilo ka. Bang’e napognu piny gi ombulu e nyim Ruoth Nyasaye.”

Joshua 18:8 Iomraidhean Croise

Chakruok 13:17

Aa malo kendo iwuothi e tungʼ piny koni gi koni, nikech amiyigo.”

Isaya 34:17

Opogogi kuondegi; kendo lwetene chiwogi gi rapim. Enobed margi nyaka chiengʼ mi gidag kanyo ndalo duto mag ngimagi.

Jo-Rumi 14:19

Kuom mano, watemuru matek mondo watim gima kelo kwe kendo ma wanyalo jiworego ngʼato gi ngʼato.

Joshua 13:7

Pogeuru kaka girkeni ni dhoudi ochikogo, kaachiel gi nus joka Manase.”

Joshua 15:1

Piny mane opog ni dhood Juda gi ombulu, kaluwore gi anywola margi, nochopo nyaka e gwenge mag Edom, kendo nyaka yo milambo e thim mar Zin.

Joshua 18:1

Kanyakla duto mag jo-Israel nochokore Shilo ma giguro Hemb Romo kanyo. Pinyno nobedo e bwo lochgi,

Joshua 18:10

Bangʼe Joshua nomiyogo pok margi Shilo e nyim Jehova Nyasaye, kendo gikanyono nopogo jo-Israel pinyno kaluwore gi dhoutgi.

Joshua 18:6

Bangʼ ka usendiko malongʼo kuom migepe abiriyo mar pinyno, to ukelnagiuru kae kendo abiro pogonugi gi ombulu e nyim Jehova Nyasaye ma Nyasachwa.

Joshua 18:9

Omiyo jogo nowuok modhi koluwo dier piny tir. Negindiko gigo duto mane giyudo e pinyno e kitabu, e dala ka dala, e migepe abiriyo kendo mi gidwogo ir Joshua e kambi man Shilo.

1 Samuel 14:41

Bangʼe Saulo nolamo Jehova Nyasaye ma Nyasach Israel niya, “En angʼo momiyo pod ok idwoko jatichni kawuono? Ka dipo ni iyudo ketho moro kuoma kata kuom wuoda Jonathan, to chiw ombulu miluongo ni Urim, to ka dipo ni jo-Israel ema oketho, ni chiw ombulu miluongo ni Thumim.” Omiyo Saulo gi Jonathan ema noyier gi ombulu, to jo-Israel nowe.