Joshua 17:14 - Motingʼo Loko Manyien

¹⁴ Joka Josef nowachone Joshua niya, “Ere gima omiyo isepogonwa kendo miyowa mana kamoro achiel kaka girkeni? Wasenyaa kendo Jehova Nyasaye osegwedhowa mogundho.”

MUMA MALER 2015

¹⁴ Joka Josef nopenjo Joshua niya, “Ere gima omiyo isemiyowa mana pok achiel kende e pinyni? Wasenya ahinya, nikech Ruoth Nyasaye oseguedhowa.”

Joshua 17:14 Iomraidhean Croise

Chakruok 48:19

To wuon-gi nodagi mowachone niya, “Angʼeyo mano nyathina. Manase bende biro bedo oganda maduongʼ. To kata kamano owadgi matin nobed giduongʼ moloye kendo nyikwaye nobed ogendini mangʼeny.”

Chakruok 48:20

Nogwedhogi chiengʼno, kendo owachonegi niya, “Ka Israel dwaro gwedho ngʼato to nokonyre gi nyingu kowacho kama, ‘Mad Nyasaye gwedhi kaka osegwedho Efraim kod Manase.’ ” Kuom mano noketo Efraim obedo maduongʼ ne Manase.

Chakruok 48:22

To in, kendo kaka ngʼama duongʼne owetene, amiyi lowo mane akawo kuom jo-Amor gi ligangla kod atungʼ.”

Ezekiel 48:5

Lop Efraim ema nogo tongʼ gi lop Manase, kochakore yo wuok chiengʼ nyaka yo podho chiengʼ.

Kwan 13:7

koa e dhood Isakar, ne en Igal wuod Josef;

Kwan 26:54

Dhoot maduongʼ imi lowo maduongʼ to dhoot matin to imi lowo matin; dhoot ka dhoot mondo oyud pok maromre gi kar kwan-gi.

Kwan 36:12

Nonywomgi ei anywola mar nyikwa Manase wuod Josef, kendo pok margi nosiko e anywola gi wuon-gi kendo e dhood gi wuon-gi.

Joshua 16:4

Omiyo Manase gi Efraim, ma nyikwa Josef, noyudo girkeni mag-gi.

Joshua 17:15

Joshua nodwokogi niya, “To ka usenyaa ahinya kamano kendo piny gode mag Efraim koro tinnu, kare koro dhiuru e bungu manie piny jo-Perizi kod jo-Refai mondo ubet kanyo obed maru.”