Joshua 14:10 - Motingʼo Loko Manyien

¹⁰ “Koro mana kaka Jehova Nyasaye nosingo, osemiya ngima kuom higni piero angʼwen gabich nyaka nowach ne Musa wachni, e kinde mane jo-Israel ne pod wuotho e thim. Omiyo Jehova Nyasaye oserito ngimana, makoro an gi higni piero aboro gabich!

MUMA MALER 2015

¹⁰ Koro en higni piero ang’wen gabich nyaka ne Ruoth Nyasaye singre ni Musa e wachno e ndalo mane jo-Israel pod wuotho e thim. To Ruoth Nyasaye oserito ngimana kaka nosingore mi koro an jahigni piero aboro gabich.

Joshua 14:10 Iomraidhean Croise

Zaburi 107:4

Joge moko nobayo abaya e thim motwo nikech ne gionge yo mar chopo e dala mane ginyalo dakie gi kwe.

Zaburi 91:7

Ji alufu achiel nyalo podho e bathi, ee, ji alufu apar nyalo riere e badi korachwich, to in onge moro ma nochop buti.

Kwan 14:30

Onge ngʼato angʼata kuomu manodonji e piny mane asingone katingʼo bada malo mondo obed dalau, makmana Kaleb wuod Jefune kod Joshua wuod Nun.

Kwan 14:38

Kuom joma nodhi nono pinyno, Joshua wuod Nun kod Kaleb wuod Jefune kende ema notony.

Joshua 11:18

Joshua nokedo gi ruodhigi duto kuom ndalo mangʼeny.

Joshua 13:1

Ka Joshua noseti kendo hike koro noniangʼ, Jehova Nyasaye nowachone niya, “Iseti ahinya, to pod nitie kuonde madongo mar pinyni monego kaw.

Joshua 14:11

Kata kawuono pod ategno mana ka kinde mane Musa ooracha, kendo pod an-gi ilo mar dhi oko mondo akedi mana kaka ne an ndalo cha.

Joshua 14:9

Omiyo odiechiengno Musa nokwongʼorena ni, ‘E pinyno matiendi osenyono biro bedo girkeni magi kendo gi nyithindi nyaka chiengʼ, nikech useluwo Jehova Nyasaye ma Nyasacha gi chunyu duto.’