Joshua 10:5 - Motingʼo Loko Manyien

⁵ Eka ruodhi abich mar jo-Amor; ruodhi ma Jerusalem, Hebron, Jarmuth, Lakish to gi Eglon noriwo jolwenjgi kaachiel. Negidhi kod jolweny mag-gi mi gimonjo Gibeon kendo gikedo kodgi.

MUMA MALER 2015

⁵ Kamano ruodhi mag Jerusalem gi Hebron gi Jarmuth gi Lakish kod Eglon, ma gin ruodhi abich mag jo-Amor, noriwo jolwenjgi kaachiel, mi gimonjo Gibeon.

Joshua 10:5 Iomraidhean Croise

Chakruok 15:16

E tiengʼ mar angʼwen nyikwayi nodwogi ka, nikech e ndalogo ema noyud ka richo jo-Amor osemedore moromo kum.”

Jeremia 34:7

sa mane jolweny mar ruodh Babulon ne kedo gi Jerusalem kod mier madongo mamoko mag Juda mane pod odongʼ, ma gin Lakish kod Azeka. Magi kende e mier madongo mochiel motegno gohinga mane odongʼ e Juda.

Kwan 13:29

Jo-Amalek odak Negev; jo-Hiti, jo-Jebus kod jo-Amor odak e piny manie got; to jo-Kanaan odak machiegni gi dho nam e alwora mar Jordan.”

Joshua 10:16

Koro ruodhi abichgo noringo kendo gipondo e rogo mantiere Makeda.

Joshua 10:6

Jo-Gibeon nooro wach ni Joshua e kambi man Gilgal niya, “Kik ijwangʼ jotichgi. Bi irwa piyo mondo ireswa! Konywa nikech ruodhi jo-Amor duto moa e piny manie wi got oseriwore mondo omonjwa.”

1 Samuel 7:14

Mier mane jo-Filistia omayo jo-Israel kochakore Ekron nyaka Gath nodwoknegi, Israel noreso gwenge mane okiewo kode koa e loch jo-Filistia. Kendo kwe nobedo e kind Israel gi jo-Amor.