Joshua 10:37 - Motingʼo Loko Manyien

³⁷ Negikawo dala maduongʼno mi ginego ruodhe kod gimoro amora mangima mane ni kuno kaachiel gi mago mane nitie e mier matindo mokiewo kode. Onge ngʼama notony, mana kaka ne otimone Eglon.

MUMA MALER 2015

³⁷ Ne gikawe, mi ginego ruodhe kod gimoro amora mangima mane ni kuno, kaachiel gi mago mane nie mier matindo mokiewo kode. Joshua noketho dalano chuth, ma ok oweyo kata ng’at achiel kangima, mana kaka ne gitimo Eglon.

Joshua 10:37 Iomraidhean Croise

Wuok 17:13

Kuom mano Joshua noloyo jolwenj jo-Amalek mana gi ligangla.

Joshua 10:28

E odiechiengno Joshua nokawo Makeda. Notieko dala maduongʼno kod ruodhe gi ligangla kendo otieko ngʼato angʼata mane ni e iye. Onge ngʼama notony kanyo. Notimone ruodh Makeda mana kaka notimone ruodh Jeriko.

Joshua 10:35

Ne gikawe odiechiengʼ nogono mi ginego ji duto kendo giketho gimoro amora mangima manie iye, mana kaka negisetimone Lakish.

Joshua 10:36

Eka Joshua gi jo-Israel mane ni kode nodhi Hebron koa Eglon, mi gimonje.

Joshua 10:38

Eka Joshua gi jo-Israel mane ni kode noduogo mi omonjo Debir.

Joshua 10:39

Negikawo dala maduongʼno, ruodhe kod mier matindo mokiewo kode mi ginegogi. Ji duto mane odak kanyo negitieko chuth kendo onge joma notony. Negitimone Debir kod ruodhe mana kaka negitimone Libna gi ruodhe, to gi Hebron.

Joshua 10:40

Omiyo Joshua nokawo gwengʼno duto kaachiel gi piny manie got ma en Negev, e tiend gode ma yo podho chiengʼ, to gi kuonde mag pewe kaachiel gi ruodhigi duto. Onge joma notony. Notieko jogo duto mangima, mana kaka Jehova Nyasaye, ma Nyasach Israel, nosechiko.

Joshua 11:12

Joshua nokawo mier madongo gi ruodhigi mi ginegogi gi ligangla. Notiekogi pep, mana kaka Musa jatich Jehova Nyasaye nosechiko.