Joshua 10:30 - Motingʼo Loko Manyien

³⁰ Jehova Nyasaye nochiwo dala maduongʼni bende kod ruodhe e lwet jo-Israel. Dala maduongʼni to gi jogo duto modak e iye Joshua nonego gi ligangla. Onge ngʼama notony kanyo. Notimone ruodhgi mana kaka notimone ruodh Jeriko.

MUMA MALER 2015

³⁰ mi Ruoth Nyasaye nochiwe gi ruodhe e lwetgi, kendo ne ginego joma odakie duto, kod gimoro amora mangima mane ni kuno. Ne ok giweyo kata ng’at achiel kangima, kendo ne gitimo ni ruodh dalano mana kaka ne gitimo ni ruodh Jeriko.

Joshua 10:30 Iomraidhean Croise

2 Ruodhi 10:11

Omiyo Jehu nonego ji duto man Jezreel mane odongʼ e od Ahab, kaachiel gi jotende duto, osiepene kod jodolo mage duto, maonge ngʼama noweyo kangima.

Kwan 32:22

ka uloyo pinyno e nyim Jehova Nyasaye, eka unuduogi kendo unubedi maonge ketho e nyim Jehova Nyasaye gi Israel. Kendo pinyni biro bedo pok maru e nyim Jehova Nyasaye.

Rapar mar Chik 2:33

Jehova Nyasaye ma Nyasachwa nochiwe e lwetwa kendo ne watieke gi nyithinde kod jolwenje duto.

Rapar mar Chik 7:2

Kendo ka Jehova Nyasaye ma Nyasachu osechiwo gi e lwetu mi uloyogi, to une ni utiekogi duto. Kik ulos winjruok kodgi bende kik utimnegi ngʼwono.

Joshua 10:28

E odiechiengno Joshua nokawo Makeda. Notieko dala maduongʼno kod ruodhe gi ligangla kendo otieko ngʼato angʼata mane ni e iye. Onge ngʼama notony kanyo. Notimone ruodh Makeda mana kaka notimone ruodh Jeriko.

Joshua 10:29

Eka Joshua kod jo-Israel duto mane ni kode nodhi Libna koa Makeda mi omonje.

Joshua 10:31

Eka Joshua kod jo-Israel duto mane ni kode nodhi Lakish koa Libna; mi gimonje.

Joshua 11:12

Joshua nokawo mier madongo gi ruodhigi mi ginegogi gi ligangla. Notiekogi pep, mana kaka Musa jatich Jehova Nyasaye nosechiko.

Joshua 12:15

Ruodh Libna, ngʼato achiel, Ruodh Adulam, ngʼato achiel

Joshua 8:24

Kane jo-Israel ne osetieko nego jo-Ai duto mane ni e pap kod mane ni e thim kama ne giselawogie, kendo kane gisenegogi duto gi ligangla, jo-Israel nodok Ai mi ginego jogo mane odongʼ kuno.

Joshua 8:29

Ne onego ruodh Ai mi oliere gi tol e yath kama noriyoe nyaka odhiambo. Kane ochopo odhiambo, Joshua nogolo chik mondo ogol ringre oko e yath kendo lware piny e dhoranga dala maduongʼ. Nodhur kuome kite mangʼeny ma pod ni kanyo nyaka chil kawuono.

Joshua 9:3

Kata kamano, kane jo-Gibeon owinjo gima Joshua notimone Jeriko kod Ai,