Joshua 1:8 - Motingʼo Loko Manyien

⁸ Kik iwe Kitabu mar Chikni oa e dhogi; par wechene matut odiechiengʼ kod otieno, mondo mi ibed motangʼ kitimo gik moko duto mondik e iye. Mano biro miyo ibedo gi hawi e gimoro amora mitimo.

MUMA MALER 2015

⁸ Kik wiyi wil gi Kitap Chikno, to nyaka isome odiechieng’ gotieno, kendo ine ni iluwo chik duto mondikie. Eka inidongi, kendo noguedh gik moko duto mitimo.

Joshua 1:8 Iomraidhean Croise

Chakruok 24:63

Ka noyudo owuotho e pap godhiambo chiengʼ moro ka owuoyo gi Nyasaye, kendo kane orango malo, noneno ngamia kabiro.

2 Weche mag Ndalo 26:5

Noketo chunye kuom Nyasaye e ndalo mag Zekaria, ngʼat ma nopuonje luoro Nyasaye. E ndalo duto mane odwaro Jehova Nyasaye, Nyasaye nomiye gweth.

Zaburi 119:11

Asekano wachni ei chunya mondo kik akethi e nyimi.

Zaburi 119:15

Abiro paro matut kuom chikeni kendo abiro tego wengena e yoreni.

Zaburi 119:97

Yaye, mano kaka ahero chikni! Aparo kuome odiechiengʼ duto.

Zaburi 119:99

An gi winjo moloyo jopuonjna duto, nimar arito chikeni.

Zaburi 19:14

Mad weche mawuok e dhoga, kod paro manie chunya, obed malongʼo e nyimi, yaye Jehova Nyasaye, Lwandana kendo Jawarna.

Zaburi 40:10

Ok apando timni makare e chunya; to awuoyo kuom adierani gi warruokni. Ok apando herani gi adierani ni chokruok maduongʼ.

Ngeche 3:1

Wuoda, kik wiyi wil kod puonjna to ket chikena osik e chunyi,

Isaya 59:21

Jehova Nyasaye wacho niya, “Akwongʼora ni ma e singruokna kodgi. Roho mara man kuomu kod wechena ma aseketo e dhou nosik kodu chakre kawuono nyaka tiengʼ mabiro bangʼu koa kuom nyikwau kadhi nyaka kuom nyithindgi, wach ok nowuogi e dhog-gi ndalo duto nyaka chiengʼ,” Jehova Nyasaye ema owacho.

Mathayo 12:35

Ngʼat maber golo gik mabeyo mawuok kuom ber mokano e iye, to ngʼat marach golo gik maricho mawuok kuom rach mokano e iye.

Mathayo 28:20

kendo kupuonjogi mondo gitim gik moko duto ma asechikou. To awachonu adier ni an kodu ndalo duto, nyaka giko mar ndalo.”

Mathayo 7:21

“Ji duto ma luonga ni, ‘Ruoth, Ruoth,’ ok nodonji e pinyruodh polo, to mana ngʼama timo dwaro mar Wuora manie polo ema nodonji.

Mathayo 7:24

“Emomiyo ngʼato angʼata mawinjo wechenagi kendo otimogi chalo gi ngʼama riek mane ogero ode e lwanda.

Luka 11:28

Nodwoko niya, “Jogo mogwedhi gin mana joma winjo wach Nyasaye kendo rito.”

Johana 13:17

Nikech koro ungʼeyo wechegi, nogwedhu kutiyo kodgi.”

Johana 14:21

Ngʼato angʼata mongʼeyo chikena kendo orito, e ngʼama ohera. Ngʼat mohera, Wuora biro hero, kendo an bende abiro here, mi afwenyrane.”

Jo-Efeso 4:29

Kik uyie weche maricho wuogi e dhou, to mana weche mabeyo manyalo konyo kuom gero ji kaluwore gi dwarogi mondo wecheu okony joma winjo.

Rapar mar Chik 29:8

Ne wakawo pinygi mi wamiyo jo-Reuben, jo-Gad kod nus mar dhood jo-Manase kaka girkeni.

Rapar mar Chik 29:9

Nyaka urit weche mag singruokgi mondo mi udongi kuom gik moko duto mutimo.

Rapar mar Chik 30:14

Ooyo, wach ni machiegni kodu, en mana e dhou kendo e chunyu omiyo unyalo rite.

Rapar mar Chik 31:11

ka jo-Israel duto obiro mochungʼ e nyim Jehova Nyasaye kama obiro yiero, nyaka usomnegi chikegi.

Rapar mar Chik 31:24

Kane Musa osetieko ndiko wechegi e kitabu manie chik koa e chakruok nyaka giko,

Rapar mar Chik 5:1

Musa noluongo jo-Israel duto ma owachonegi kama: Yaye, jo-Israel winjuru buche kod chike ma awachonu kawuono. Puonjreuru wechego kendo une ni umakogi.

Rapar mar Chik 5:29

Yaye, dine ber ka chunygi osiko koluora kendo orito chikena duto mondo omi gidhi maber kaachiel gi nyithindgi nyaka chiengʼ!

Rapar mar Chik 5:32

Omiyo beduru motangʼ kutimo gik moko duto ma Jehova Nyasaye ma Nyasachu ochikou, ka ok udok korachwich kata koracham.

Jo-Kolosai 3:16

Wach Kristo mondo odagi e chunyu gi nyak duto mokelo, kupuonjoru kendo usiemoru ngʼato gi ngʼato gi rieko duto, kendo kupako Nyasaye gi wende zaburi kwero wende kitabu kod wende chuny ka ugoyo ni Nyasaye erokamano e chunyu.

Joshua 1:7

Bed motegno kendo gi chir mogundho. Bed motangʼ mondo iluor chike duto mane jatichna Musa omiyi; kik ilokri korachwich kata koracham kiweyo chikegi, mano nomi ibed gi hawi kamoro amora midhiye.

Joshua 8:34

Bangʼ mano, Joshua nosomo weche mag chik ma gin, gweth gi kwongʼ mana kaka ondikgi e Kitap Chik mar Musa.

Fweny 22:14

“Jogo gin joma ogwedhi ma oseluoko kandhogi maler, mondo omi gibed gi ratiro mar chamo olemb yath mar ngimano kendo gikadh ka gidonjo e dhorangeye mag dalano.