Joel 2:6 - Motingʼo Loko Manyien

⁶ Ka ogendini goyo wangʼni kuomgi, to gidhier nono kendo wengegi lil.

MUMA MALER 2015

⁶ Ka gibiro, to ng’ato ka ng’ato kirni, kendo wenge ji lokore mamarmar.

Joel 2:6 Iomraidhean Croise

Zaburi 119:83

Kata obedo ni achalo pien tingʼo divai molier e iro, to wiya pok owil gi chikeni.

Isaya 13:8

Kibaji nogogi malich, rem gi kuyo bende noneg-gi; ginibed gi rem mana ka dhako mamuoch kayo. Ngʼato ka ngʼato nongʼi wadgi malich ka midhiero omako.

Jeremia 30:6

Koro lingʼuru mondo uparane: Bende dichwo nyalo nywolo nyithindo? To kare angʼo momiyo aneno dichwo ka dichwo maratego, komako iye ka dhako mamuoch kayo, ka luoro omakogi ka joma chiegni tho?

Jeremia 8:21

Nimar joga osehiny, an bende ahinyora; aywak kendo luoro omaka.

Ywagruok 4:8

To koro gin rotenge moloyo oyare ma kata irom kodgi e wangʼ yore to ok nyal ngʼegi, nimar pien ringregi osejowore kuom chokegi; kendo osebedo motwo ka yien.

Nahum 2:10

Odongʼ nono, omaye gik moko duto, bende olonye modongʼ duk. Kibaji ogoyo chunygi, bende chongegi onyosere, kendo dendgi tetni ka ngʼato ka ngʼato wangʼe ojowore.

Nahum 2:11

Koro to ere bur sibuor kama ne gipidhoe nyithindgi, kama sibuor madichwo gi sibuor madhako nodhiye, ka nyithind sibuochego onge gi gima ginyalo luoro?