Joel 1:4 - Motingʼo Loko Manyien

⁴ Gik ma mony mar bonyo oweyo, bonyo madongo osechamo; gik ma bonyo madongo oweyo bonyo matindo osechamo, gik ma bonyo matindo oweyo bonyo mamoko nochamo.

MUMA MALER 2015

⁴ Bonyo madongo nochamo oboke, bang’e rumbi mar bonyo ma pod tindo nochamo oboke mane odong’.

Joel 1:4 Iomraidhean Croise

1 Ruodhi 8:37

“Ka kech kata dera omako piny, kata ka abach omako cham ewi dongo kata ka bonyo kata kungu kata ka jowasigu olworo miechgi madongo kata ka midekre kata tuo omakogi,

2 Weche mag Ndalo 6:28

“Ka kech kata dera omako piny kata ka abach omako cham kata tuo ewi dongo, kata ka bonyo kata kungu, kata ka jowasigu olworo miechgi madongo, kata ka midekre kata tuo omakogi,

2 Weche mag Ndalo 7:13

“Ka aloro polo ni koth kik chuwe kata ka keto bonyo mondo ocham piny kata aoro dera marach mar tho ne joga,

Zaburi 105:34

Nowuoyo, mi bonyo nosieko, ongogo mokalo akwana;

Zaburi 78:46

Ne ochiwo chambgi ne ongogo, chambgi mosechiek ne bonyo.

Wuok 10:4

Ka itamori weyo joga mondo odhi, to abiro kelo ongogo e pinyi kiny.

Wuok 10:5

Gibiro poto ma gium lowo ma ok nen. Gibiro chamo gimoro amora matin mane pe oweyo kaachiel gi kit yien duto matwi e lowo.

Isaya 33:4

Yaye un ogendini, mwandu noyaki mana ka kama nyithi bonyo omonjo; kendo ji noyak mwandugi, mana kaka bonyo monjo piny.

Jeremia 51:14

Jehova Nyasaye Maratego osekwongʼore gi nyinge owuon: Adier anakelnu ji mangʼeny, ka bonyo, kendo ginikog gi ilo nikech loch molowugo.

Jeremia 51:27

“Tingʼuru bandera e piny! Gouru turumbete e dier ogendini! Ikuru ogendini mondo oked kode; luonguru pinjeruodhigi Ararat, Mini kod Ashkenaz mondo oked kode. Yieruru jatend lweny mondo oked kode; oruru farese mangʼeny ka bonyo.

Joel 2:25

“Abiro chulou kuom higni ma bonyo osechamo; bonyo madongo gi matindo, gi bonyo mamoko gi mony mar bonyo; ma gin oganda maduongʼ mar jolweny mara mane aoro e dieru.

Amos 4:9

“Kuom kinde mangʼeny ne aoro dera mi oketho chambu gi puotheu mag mzabibu. Bonyo noketho puotheu mag ngʼowu kod mag zeituni, to kata kuom mago duto pod utamoru duogo ira,” mano e wach Jehova Nyasaye.

Amos 7:1

Fweny mane Jehova Nyasaye Manyalo Gik Moko Duto okelona ema: Ne aneno rumbi mar det bonyo monywol e chakruok mar opon ka cham mar ruoth osekaa.

Malaki 3:11

Anagengʼ kute ma ok noketh chambu, kendo mzabibu manie puotheu olembgi ok notow mi lwar kapok ochiek,” Jehova Nyasaye Maratego owacho.

Rapar mar Chik 28:38

Unuchwo kothe mangʼeny to unuka manok, nikech bonyo nokethgi.

Rapar mar Chik 28:42

Kweth mag bonyo noketh yiendu kod chambu duto e pinyu.