Matyu 26:18 - Mape

¹⁸ Weu tebire iŋi bokirieya, “Ŋoko Jerusalem sitio roperu ŋi mo manego, oi bofukeru iŋi ojini, ‘Qaqajiji miga: Nonde damanji bembeŋgaga. Nonji gore pigo wareru kiŋariŋpune yoŋoke Pasowa lama nokimiŋ.’”

Matyu 26:18 Iomraidhean Croise

Bobiaŋ Biŋe Jonji quraŋgaya 7:6

Oŋu ojibi iŋi yajiya, “Nonji mande gio totogo babeminde damanji so wareru fukeme gogoyoŋ, ŋoŋore damanji jijiki ranimiŋ ore so pega.

Bobiaŋ Biŋe Jonji quraŋgaya 17:1

Yesuji buŋo oŋu mitariru Sombuŋgo oobe pime ropeko iŋi oŋga wosiya, “Mamane, goji moreŋ so ŋiŋigo sosowo Madego nonde rurumaŋgo rua yabende usuŋ paio Ofoŋ eyarego. Ŋiŋigoji Madego nonde buŋo soine so ŋadi gaku odureru gonimiŋ. Goji ŋiŋigo botuyaŋuŋgone goine bomukuru nonde meo rua yaberu iŋi mitiga naremeŋ, ‘Go oi sosowo qaji yabende gogo sanaŋine bofukeru goinebi.’ Gio oi ba forebe Madegoji tinabiŋego mi sogueiŋgo ore kuririquraŋgo nareigoŋ. Nonde damaŋ oi muŋambe yo ware fukeme dimaku oŋu oŋga wosigo.

Bobiaŋ Biŋe Jonji quraŋgaya 13:1

Ŋonemaiŋ kombanji qondiŋgame Yesuji fuŋine iŋi mane mukuya, ‘Moreŋ bokeru Mamaneo ropebeminde damanji bembeŋgaga.’ Oŋu mane mukuku iŋoyoŋunde ogopu moreŋgo gobuŋ, oi maŋineji manjoko eyareru goku tatariine oo oŋuakoŋ manjokoine oi yaduya.

Bobiaŋ Biŋe Jonji quraŋgaya 7:30

Oŋu miko oi roru nigiŋgaiŋgo manebuŋyoŋ, damaŋineji so wareru fukeya ore eru moji sakiineo so roya.

Bobiaŋ Biŋe Jonji quraŋgaya 7:8

Rabeminde damanji so wareru fukega. Ore eru nonji jeri kombaŋ yoo so ropebemiŋ. Nonji pigo ŋebe ŋoŋoji soine raru roperu jerieinebi.”

Bobiaŋ Biŋe Jonji quraŋgaya 12:23

Buŋo oi maneru kerisieru iŋi miya, “Sombunde kuririquranji Sombuŋ eru morende Ŋi Foriine iŋoreo moke fuke mukume taniŋgaiŋ, ore damanji bembeŋgaga.

Bobiaŋ Biŋe Lukji quraŋgaya 22:53

Nonji una so boji soriŋgo ŋoŋoke gobe ŋoŋoji meŋaŋuŋ sineru noŋ so oga nubuŋ. Oi matayoŋ, muŋambe yoo qisirire usunji gbiŋ eru totogo fukeko ŋoŋore damanji ware fukega.” Oŋu.

Bobiaŋ Biŋe Jonji quraŋgaya 11:28

Martaji buŋo oŋu miku piineo kirieru raru qoine Mariare kamiine mime qaŋaŋineo wareme ojiya, “Qaqajiji wareru kadio dimaku gore aroo raru ŋonemiŋ ore miga.”

Bobiaŋ Biŋe Makji quraŋgaya 5:35

Buŋo oŋu ojiru dimako oŋgawowosi pire buŋo siŋande pigone moji biŋeba wareru Jairus ojiya, “Odugo komega! Ore eru qaqajire paio yobiŋ jikigaru so ruaigoŋ.”

Matyu 26:2

“Una yoyoka tariko pasowa kombaŋ wareru fukeiŋ. Ŋoŋo oi soine manegobi. Wareru fukeko Sombuŋ eru morende Ŋi foriine oi kotu gawman yoŋore meo ruabi maripoŋgo qabi komeiŋ.”

Matyu 23:10

Kristo moakoŋ nonji ŋoŋore sogune fukego. Ore eru ŋoŋore tina ‘Sogunenoŋuŋ,’ minimiŋgo so maneinebi.

Matyu 23:8

“Yoŋoji oŋu eegobiyoŋ, moakoŋ iŋoji ŋoŋore Qaqaji fukeko ŋoŋo sosowoji iŋore maŋkekerisie ogopu fukegobi. Ore eru ŋoŋore tina qaqajinoŋuŋ minimiŋ ore so maneinebi.

Matyu 21:3

“Piruebire moji buŋo mo miko iŋi ojinimi, ‘Ofoŋnokunji ore embimbiŋgaga.’ Oŋu ojibire doŋgi oi pipa ŋateme yoo wareni.”

Bobiaŋ Biŋe Jonji quraŋgaya 20:16

Oŋu ojime Yesuji tinaine oŋgaku “Maria!” miya. Oi oŋgaku miko iŋoreo kirieru Hibru buŋoo oŋgaku “Raboni!” miya. Oi noŋunde buŋoo “Qaqajine!”

Matyu 26:49

Oŋu yajiru wareru oo akoŋ Yesureo roperu “Qaqajine, sagego!” miku bibiine mudugaya.

Matyu 26:19

Kiŋariŋ yokoji Yesu mitiga yateya, ore so boyoberu Pasowa lama bomogabu.