YIPIRUW 7:11 - Nupela Testamen long tokples Manambu

¹¹ Tayir God Liyvay dikidi gwalugwa duwada pris yawiy kwurdakik tasakwudid. Day a yawiy kwurtaay tidaak, God di diki lo Yisrayil jaka tipa kidiy duw takwak ata ginyir kwiydil. Aw li duw taakw God di diki mawul walil pik pris yawiy mwiyir tikik-dana, aw ginyir nikidi gwalugw kidi pris akis tasakwuk-daad. Aw God Liyvay dikidi gwalugwa duw, Aran, dikidi bapa pris aam maa tasakw. Aw di Milkisitik dikidi bapa pris tasakwudid a pris yawiy kwurdikik.

YIPIRUW 7:11 Iomraidhean Croise

GALATIYA 2:21

Wun samab bwan kway maa aal wunak sukwasukw kwurkwana God diki mawulak. Aw li duw taakw God diki milaam mwiyir tikidana, adiy Mawsis diki lo waladiy javib wuki-wukib tikuw, aw aal ata agwa javik tikuw Jisas Krais maap tidi miyaam kiyaad?

GALATIYA 4:3

Tayir Jisas Krais kidi kupwaar di maardil nibway, nyan Kristen duw taakw adi nyan kaytik tidiyan. Aw nyan nyanadiy warag daya lo tabaam tidiyan. Aw nyan wukidiyan adiy lo nyigil-kidanadiyan. Nyigilkuw, mwugiy-kidanadiyan God diki milaam mwiyir tibakikik wataay wukidiyan.

GALATIYA 4:9

Aw kita gwur Godaam ada lakwu-gwuraad. Aw kitawaan way wakik-nadiwun God gwuraam lakwu-dadiygwurik waan. Alik tikuw, aw gwur agwa javik tikuw maa adiy javik gaba maaj sukwuk mawul yinadiygwurik?

YIPIRUW 5:6

Niki nyi God Jisas Kraisak wadid, “Min pris nyanyi nyanyi tikwanadimin Milkisitik kaytik.”

YIPIRUW 7:12

Aw li God nikidi gwalugwa duw pris yawiy kwurdakik tasakwu-dilik tikuw, diki lo wab bwutaay warapiydil.

YIPIRUW 7:13

Aw kidiy jaav nyanadi Yitaypika Duw Jisas Kraisak bwulanadiy. Aw nyan lakwubana di nikidi gwalugwa duwad. Di Juwta gwalugwa duwad. Aw tayir adi gwalugwa duw God dikidi wiyaam pris yawiy maa kwar. Aw Mawsis kidi gwalugwa kidiy duw pris yawiy kwurdakik maa wu.

YIPIRUW 7:15

Aw God Jisas Krais wayakidik nikidi yitaypika pris Milkisitik kitik tidikikik, aw nyan mwiyir lakwubanaad God diki sukw bwutaay warapiydil.

YIPIRUW 8:7

Aw li taay aban mwiyir rivilik duw taakw mwiyir tidakikik God diki milaam, God di ki ginyir aban akis takak-naad.

YIPIRUW 9:6

Kitawa pris yawiy kwurdiy Godak abir tamiyaam. Ababa nyi adiy pris taga wiyaar wulayikwadiy yawiy Godak kwurdakik.