YIPIRUW 6:13 - Nupela Testamen long tokples Manambu

¹³ God aban takadil Aparamik, nuwukadiy duw dayadiy si dikidiy saam yitaypik ti maarkuw, di a abanik mayra sar yidil di dikidi saam.

YIPIRUW 6:13 Iomraidhean Croise

LUK Sukwudil Maaj. 1:73

Aw kitawa di Aparamak wadid, ‘Gwuradiy mama nib day gwuraam dayadiy tabaam takak kwurdaak, wun yabiyib yakuw, nyigil-kituwadiygwurik tayir watuwil pik. Alik gwur wuna danik yawiy kwurkuw, adiy gwuradiy mama nibak yaag maa. Atawa kwakigwura, gwur gwuradiy ababa kidi kupwaam kwakigwuradiy nyi wuna majib wukikuw, mwiya viyakit kwaya-kinadiygwurik wuna milaam.’”

GALATIYA 3:15

Kristen gwalugwa duw taakw, kal aal nyana sukw-a. Aw li duw vitiy maaj lakatiykuw nuwukadiy javik, aal lakatiy-kibira jaav maaj lapa nyigaam sukwukuw birkibir sawa, aw aal a maaj duw nakab samab yibwiy maa ginyir. Awarab aal God takadil aban maaj duw nakab samab warapiy-warapiy maa.

GALATIYA 3:18

Aw li nyan God diki sukwasukw kwurkwana mawul aw aal lo wa danik tikuw kwurik-bana a lo wab wukikuw, aal nyan akis kwurik-bana aal sukwasukw kwurkwana mawul Godab, aal di diki Aparamik takadil abanik tikuw. Aw God Aparamik atawa sukwasukw kwurdid, aal di diki takadil abanik tikuw, “Wun mwiya mwiyab kwurkituwa,” wakuw.