YIPIRUW 2:18 - Nupela Testamen long tokples Manambu

¹⁸ Jisas diki sipaam kagil yilik, Satan dim vasibariyik kwurdid. Alik tikuw, di bwunak adiy Satan vasibariy kwurik kwurkidadiy duw takwaam sugwiyaan kwurkidadiy.

YIPIRUW 2:18 Iomraidhean Croise

LUK Sukwudil Maaj. 22:28

“Duw taakw wunaam jawjaay kwurdaak, gwur wunaam maa wap.

LUK Sukwudil Maaj. 22:53

“Nyi samasam wun gwurawa God dikidi wiyaam daan rituwadiy. Aw gwur wunaam maa kalaakw. Gwura nyi aka. Kita Satan apawa van tinaad.”

JON Sukwudil Maaj. 10:29

“Wunawa wunad Asaay an mwiya mwiyab rivriv tikwanabiran. Alik tikuw, adiy ababa duw taakw wunadi Asaay wunak kwiykuw, diki ap miyawa Satanawa duw dayadiy apaam yitaypik tidalik tikuw, alik day wunadiy duw takwaam samab nyigil nyigil day rav maa wunad Asaay diki tabaam tidaak.”

1 KORIN 10:13

Adiy gwurak yakwanadiy gwuradiy mawulaam kwurkitaan vikir tikwanadiy jaav, day adiy jaav nuwukadiy duw takwak ab yakwanadiy-adiy. Kapab maa. Aw adiy jaav gwurak yadaak, kip apawa Godak wukijibir adakw. Di samab akis dikidiy duw takwaam viyamay-kwanaad. Aw di dayaam sugwiyaan kwurkwanaad apawa kip tidakikik. God di samab mayaakw kwu maa gwuraam kwurkitaan vi jaav yadakikik aw gwur rav maa adiy yakidiy javim kakil-kakilik. Aw adiy jaav gwuraam yadaak, God yaab kwulapwu-kwanaad gwur adiy javim gwutakaan tigwurkikik.

PILIPAY 3:21

Aw di dakuw, di kidiy nyanadiy kidi kupwa kidiy jaab yikwanadiy amwiy mwugiydik, suwul-kidiy mwiya viyakita adawur tipa kidiy diki amwiy pik tidakikik. Di atawa kwurkida di dikidi mwiya nimadi apaar. Aw adi apaar mwiyir miyawa javim mwugiy-dadiy, aw day miyawa diki tabaam tidakikik.

2 TIMOTIY-AK 1:12

Aw wun diki Viyakita Maaj wasapwiy-kwatuwalik, alik duw taakw wunaam jawjaay kwurdanadiwun. Aw wun atawa kwurdalik, wun samab mawul vitiy katiy akis tikwanadiwun. Wun kip Godak wukijibir tikwanadiwun. Wun bwu lakwutuwa God di rivinaad wuna mawulaam yarakara van titak, yin di dikidi nimadi kot rikidadi nyab li saal yi maarlikik.

YIPIRUW 5:2

Aw day duw tikuw, ap samasam ti maardanalik, alik day nuwukadiy duw takwak bwunak wukikwanadiy day mwiyir lakwu maarkuw, jawjaay yidaak.

2 PITA 2:9

Alik tikuw, nyan lakwubana Yitaypika Duw God adiy mwiya viyakita duw takwaam nyigil nyigil yaab lakwukwanaad adiy kupwarapa javik adiy dayaam lagwu-kwanadiyik vaal yidakikik. Awarabab di lakwukwanaad adiy vaal yiyi tikwanadiy duw takwaam vaat kwiykwiyik, aw yin aal dikidi nimadi kot rikida nyi yakila nyab.

JUT Sukwudil Maaj 1:24

May, nyan gaba maaj sukwunaak Godak. Dikidaan-ad Godaar nak. Di nyigil-didiyan nyanadi Yitaypika Duw Jisas Kraisaar. God nuwukadiyim ab di mwiya yitaypik-ad. Aw di nuwukadiyim kakilkuw ap samasam tidalik tikuw, di dayaam ab van tikwadadiy. Di rivinaad gwuraam mwugiy-mwugiyik apawa vakir maarin kip tigwurkikik. Awarabab gwuraam kwurin kawarak simsim valwa ti maarin, gwuradiy mawul tugwaam nakuw, di diki mwutamaam tigwurkikik. Tayir ab basa kasab atawada tad. Aw kitaan ab atawada tinaad. Aw atawa nyanyi nyanyi tiyanaad. Aw gwur mwiya mwiyab Godak wayapiy san rakarakawa titaay, gaam sikinadiygwurik a javik. Mwiya maaj-al.

REVELESEN 3:10

“Tayir wun miyawa duw takwak watuwdiy samab bwan wunak kway maardakik, aw kip wunak wukijibir tidakikik. Aw gwur aal majik wuki-wukib tinadiygwurik. Alik tikuw, aw kupwarapa nyi miyawa kidi kupwaam kwanadiy duw takwak yakila nyaam kwurkitaan vikir dayadiy yawiy viyakit-adiy ay kupwaraap-adiy waan, wun ap kwiykituwadiygwurik aw gwur vakir maargwurkik.