YIPIRUW 13:1 - Nupela Testamen long tokples Manambu

¹ Gwur gwuradiy kapa Kristen gwalugwa duw takwak kip mawul yijibir ada.

YIPIRUW 13:1 Iomraidhean Croise

JON Sukwudil Maaj. 15:17

“Kip ki gwurak kwiytuwa majib wukijibir tikuw awarwa awarwa mawul ay. Samab mawul wukimar-wayik a javik. Kip likib kaykitijibir ada.”

APOSEL 2:1

Juw daya bayaki nyi, si Pentikos, a nyaam ababa Jisasak wukijibir tidiy duw taakw vagaluwdiy.

APOSEL 4:32

Ababa Jisasak wukijibir tidiy duw taakw day mawul nak tidiy. Duw nak maa wu, “Wunadiy javadiy wunadika.” Ababa jaav dayadiy-adiy.

GALATIYA 5:13

Kristen gwalugwa duw taakw, God di maa wanaad Mawsis diki lo gwuraam van titak. Gwur aal gwuraam van til lo wapakuw, gwuradiy mawul wardaba niki vaal niki valik yikir. Awarabab gwuradiy mawul nuwukadiy duw takwak yikuw, gwur gwurak awarwa awarwa sugwiyaan kwur-kinadiygwur.

GALATIYA 5:22

Aw li God dikidi Mawul nyanaam van tikwada, aal di kidiy jaav kwurbakik nyanadiy mawulaam sisuw-kwadadiyan: nyan mawul samasam yikinadiyan Godawa miyawa duw takwak, aw nyan mwiya mwiyab rakarak tikinadiyan, aw nyanadiy mawul kip kwusida-takaan tikinadiy, aw nyan nuwukadiy duw taakw dayadiy sukwak yabiyib yaal gir maa, aw nyan rikarik nuwukadiy duw takwak kwurkinadiyan, aw nyan viyakita javida nuwukadiy duw takwak kwurkinadiyan, aw nyan adiy wakibanadiy jaav adiy nyan kwurkibanadiy, suwaal taka maarin, aw nyan kwusida-takaan tikina mawul kwurkinadiyan, aw nyan nyanadiy kapa mawulak yarakara van tikinadiyan. Aw li nyan atampika jaav kwurkibana, Mawsis diki lo nyanak samab rav maa maaj wawak.

GALATIYA 5:6

Aw Jisas Krais wukin mwiya mwiyab nak tikuw, aw li day nyanadiy sip lupwadaak awarabab nyanadiy sip lupw maardaak ab, aal yitaypika jaav maa. Aw mwiya yitaypika jaav, aal Jisas Kraisak wukijibir tikuw aw nyanadiy wukijibir tikwabanadiy mawul sisuwdaak, Godawa nuwukadiy duw takwak mawul yikibanaal. Akaanaka, mwiya yitaypika jaav.

YIPASIS 4:3

God dikidi Mawul nyanaam mwugiy-didiyan mawul nak tibakikik. Aw gwur wagawa yawiy akwur, mawul nak tikuw nakamwiyib kwusida-takaan kwagwurkikik.

YIPASIS 5:2

Jisas Krais nyanak mawul yikuw, di diki kapa amwiyir Godak vaal kwurdil nyan nyanadiy vaal danik tikuw, aal God rakarak tikuw, mayaakw kwadil diki yawiyik. Aw diki pik gwur mayaakw adakw nuwukadiy duw takwak yigwuradiy mawul gwuradiy mawulaam van titak.

TISALANIKA 1:3

Nyan lakwubana aal viyakit aw li nyan Godak wayapiy sikibana gwurak tikuw, alik nyan kip nyanyi Godak wayapiy sijibir tikibanaad gwurak, aw gwuradiy Godak wukijibir tigwuradiy mawul ap yikwadanalik tikuw, awarab adiy awarwa awarwa yikwagwuradiy mawul ap yikwadana pik.

YIPIRUW 10:24

Nyan nyanak wukinaak. Nyan nyana kap kapwusakwu-naak kibir javik. Nyan nyanak mawul yilik, awarwa awarwa viyakita yawiy kwurnaak.

1 PITA 1:22

Aw kita God diki mwiya mwiyaba majib wuki-wukib mwiyir tikuw, gwuradiy mawul mwugiykuw tugwaam nadakikik, mwiya mwiyab adiy gwur gwuradiy Kristen gwalugwa duw takwak mawul ay. Ayiy, awarwa awarwa nimadib mwiya mwiyab mawul ay.

1 PITA 2:17

Miyawa duw takwak viyakita mawulada awuk. Aw adiy gwur gwuradiy Godak wukijibir tikwanadiy gwalugwa duw takwak mawul ay. Aw Godak yarakara awuk. Aw adi yitaypika gavman dikidi saam akiras.

1 PITA 3:8

Wunaki gwurak wakwusikituwa maaj aal kika. Gwur Kristen gwalugwa duw taakw tikuw, mawul nak tikuw, awarwa awarwa mawul ay. Awarab kwusida-takaan tikwana mawul titaay, rikarik akwur.

1 PITA 4:8

Mwiya yitaypika jaav, kal-a. Gwur awarwa awarwa mwiya mwiyab mawul ay. Aw li gwur atawa awarwa awarwa mawul yikigwura, aw gwur dayadiy gwuraam yidanadiy valik wukimar-kigwura.

1 JON 3:23

Kikaanaka nyanak kwurbakik wadil jaav. Di wadidiyan di dikidi Nyan Jisas Kraisak wukijibir tibakikik, awarab awarwa mawul yibakikik Jisas Krais kwurbakik nyanak aal wadil pik.

1 JON 4:20

Aw li duw kitawa wakuw, “Wun Godak mawul yinadiwun,” waan, aw di adiy dikidiy Godak wukijibir tikwanadiy gwalugwa duw takwak kupwaraap sapwurapa mawul tikuw, adi duw aad mwiya gwiyip kwurkwur-ad. Aw li di adiy dikidiy Godak wukijibir tikwanadiy gwalugwa duw takwak mawul yi maarkida, dayadiy kwiya maak vikuw, aw di mwiyir riv maa adi vi maardidi Godak mawul yiyak ab.

REVELESEN 2:4

“Aw jaav nakaar mwiya saal viyana aal aw gwur wunak aal tayir yigwuril mawul bwu wapagwura.