YIPIRUW 11:3 - Nupela Testamen long tokples Manambu

³ Aw nyan nyanadiy Godak wukijibir tikwabanadiy mawulaar nyan lakwubanaad kidi ribanadi kupw, tubw, miyawa jaav, kip yitakaan tidiy God di diki wadil majir. Alik tikuw, adiy vi maarkwabanadiy javir God miyawa vikwabanadiy jaav yitakadidiy.

YIPIRUW 11:3 Iomraidhean Croise

JON Sukwudil Maaj. 1:3

Kidi Majir God kidi kupwawa miyawa jaav yitakadidiy. Kidi Majir God yitak maar jaav nakab maa ti.

APOSEL 17:24

“Kidi God kidi kupw yitakadid. Ababa jaav kidi kupwaam yitakadidiy. Kidi God adawur tipawa kidi kupwak van tikwanaad. Di duw dayadiy kwurdadiy gaba maja wiyaam akis rikwanaad.

Pol Diki Sukwudil Maaj ROM Tipa Kidiy Kristen Duw Takwak 4:17

Diki lapa nyigaam God kitawa Aparamik wadid, “Wun mwugiytuwik, min samasama jaka tipa kidiy duw taakw dayadi taay waraga duw tikidimin.” Alik tikuw, Aparam nyanak ababak taay waraga duw tinaad. Di God diki milaam tikuw, aal aban ata kwurdil. Adi di diki wukijibir tididi God kiyanadiy duw taakw kirapitaka-kwanaad. Aw di wadikikib, adiy kip rikwanadiy nyanugwawa jaav maykaar wakwu-kwanadiy.

1 KORIN 2:7

Aw duw takwak kalivatuwadiy maaj dayadiy maaw maaj adiy God diki yipakwudik talab riyadiy pakwun rinadiy maaj-adiy. Mwiya tayir God bas kidi kupw yitak maardil sikir, di tasakwu-jibiradil kidiy majir nyanaam mwugiy-dikik diwa mwiya viyakit nyanyi nyanyi kwabakikik.

1 TIMOTIY-AK 4:5

God bwu waad kamnaagw aal viyakita. Aw nyan bwu likik Godak wayapiy sibanaal. Alik tikuw, nyan jaaw kikibana likim. Subw riri maa rav.

YIPIRUW 1:2

Aw kita kidiy nyab di dikidi Nyinir wadidiyan. Dikidi Nyinir ababa jaav yitakadidiy. Nyi, bap, tugwiy, kwungar, kidi kupwawa miyawa dikim rinadiy jaav yitakadidiy. Ginyir kidiy ababa jaav kwusidaak, God bwutaay tasakwudidiy day dikidiy tidakikik.

YIPIRUW 6:5

Day lakwudaal, God diki maaj viyakit tina. Ginyir miyawa vikibanadi God dikidi nimadi ap kwasa bwutaay vidaad.

2 PITA 3:5

Aw day ki javik aal mawul wukimar-dana. Mwiya bas adawur tubwaam rinadiy jaav yitakadidiy. Aw God majir bwulakuw, di kidi kupw yitakadid kipa guwaar. Di mwugiydik, adi nimadi kupw kipa nyidi nyidim guwaar warid. Warkuw, rad.

REVELESEN 4:11

Takakuw, day kitawa song tidiy, “Min nyanadi Yitaypika Duw-adimin. Min nyanadi God-adimin. Aw min adiy miyawa jaav yitaka-minilik tikuw, min rivi-kwanadimin nyanadiy sukwu-banadiy gaba maaj kwurkwurik, aw nyan minadi saam yakisuw takatakak. Miyawa ap adiy min minadiy-adiy. Aw min mina mawul warkuw, alik miyawa jaav yitaka-minidiy.” Akaan aka. Day atawa dikik song tidaad.