YIPASIS 5:4 - Nupela Testamen long tokples Manambu

⁴ Gwuradiy nyidim samab adiy kupwaraap saal viyanadiy maaj titaay bwula-wayik. Awarab adiy nuwukadiy duw takwak sapis jiki maja bwula-tikwa. Aw atawa kwur-yaay, kip Godak titaay wayapiyda as.

YIPASIS 5:4 Iomraidhean Croise

JON Sukwudil Maaj. 6:23

Aw nuwukadiy Taypiriyas tipa kidiy jabir ata aal Yitaypika Duw Jisas wayapiy san napakuw, mwiya samasama duw takwak kamnaagw kwiydil tamiyawa walibab kawiydiy.

Pol Diki Sukwudil Maaj ROM Tipa Kidiy Kristen Duw Takwak 1:28

Day atawa kwurdaak, day Godak wukimardalik tikuw, God dayak maa wakuw, di wapadadiy dayadiy mawul jawjaay titaay, day duw taakw kwar maarkwadanadiy jaav kwurdakik.

2 KORIN 9:15

May nyan, Godak wayapiy sinaak aw nyanak dikidi Nyan kwiydilik tikuw. Aw nyanadiy miyawa kwiykwabanadiy jaav adi dikidi kwiydidi Nyinim yisadapik tikwanadiy.

YIPASIS 4:29

Aw gwur nuwukadiy duw takwawa maaj bwulak-gwura, adiy dayaam saal viyanadiy maaj bwula-tikwa. Adiy nuwukadiy duw taakw dayadiy wukijibir tikwanadiy mawulaam ap tidakikik sugwiyaan kwurkinadiy viyakita majida titaay abwul. Aw li gwur atawa kwurkigwura gwur sukwasukw kwurkigwuraala adiy gwuradiy majim wukikinadiy duw takwaam.

PILIPAY 4:6

Samab niki jaav niki javik mawul samasam wuki-tikwa. Aw gwur kip Godak bas as adiy kwurik wuki-gwuradiy javik. Aw Godak maaj bwulak-gwura, dikik bas sikik-gwural dikik wayapiy as adiy bwutaay gwura danik kwurdidiy javik.

KALASAY 3:8

Aw kita gwur ababa kupwarapa javiwa yawiy bwan akwiy. Gwur wariya kwudiy wa-tikwa. Yabiyib mawul war-tikwa. Gwuradiy mawul war-tikwa nuwukadiy duw takwaam kupwarapa jaav kwurik. Sapis jikin kwur-tikwa. Kupwarapa maaj wa-tikwa. Gwur gwurak awarwa awarwa suwaal maaj bwulabagwu-tikwa. Gwur gwuradiy tayir wuki-gwuradiy kupwarapa mawul dayadiy kupwarapa yawiywa bwutaay wapakuw, kwula mawul kwur-nadiygwurik. God di yawiy nyanyi kwurkwanaad gwuradiy mawulaam dikidi mawula pik tigwurkikik. God adiy mawul gwuraam yitaka-didiy aw gwur dikim mwiyir lakwu-gwurkik. Alik tikuw, gwur adiy kupwarapa javiwa yawiy kwur-tikwa.

1 TISALANIKA 3:9

Aw ki gwura maaj wukin napakuw, nyan aka ya Godak wayapiy sikir rivinadiyan. Aw gwur dikik kip wukijibir tigwuralik tikuw, gwur mwugiy-gwuradiyan nyan mwiya rakarak tibakikik. Aw ki javik tikuw, Godak wayapiy sibanaad.

1 TISALANIKA 5:18

Godak kip wayapiy as adiy gwurak yakinadiy miyawa javik. Akaanaka God kwurgwurkik mawul yikwada jaav aw gwur Jisas Krais dikidiy tigwuralik tikuw.

PAYLIYMAN-AK 1:8

Jisas Krais wunak kwiydil apak tikuw, wun bwunak watuwik ki kita wakituwa yawiy kwurkigwura.

YIPIRUW 13:15

Nyan vaal kwur-yaay, nyan nyanadiy wayapiy si maaj Jisas Kraisaar Godak nyanyi kwiy-naak. Aw nyan kitawa yawiy kwurkwabana God dikidi si yakisuwtakataay duw taakw dayadiy mwutamaam.

2 PITA 2:18

Adiy duw day sakwar sakwar mwiyir kipa maaj bwulakwanadiy. Day adiy duw taakw dayadiy mawul kwurik warkwadanadiy javik yarik yikwadanadiy. Aw mwiyir dayaam kupwisaal kaytik dayaam lagwuk. Day atawa kwurkwanadiy adiy dayadiy kupwaraap sapwurapa mawul kwulakwul wapakuw, Jisas Kraisak wukijibir tikwanadiy duw takwaam di dayaam nyigilik titaay.

2 PITA 2:7

Aw God abir vitiya tip sipakwuk tikuw, di nyigildid Lat. Lat di mwiya viyakita duw-ad. Adi awarwa awarwa titaay vaal yiyi tidiy abir vitiya tipa kidiy duw taakw kwadadi yaab Lat diki mawulaam vaat yad.

JUT Sukwudil Maaj 1:10

Aw adiy suwaal takatak tikwanadiy gaba maja duw day lakwun ti maarkuw, adiy God diki maaj kardadiy duwak wajibay-kwanadiy. Aw day adiy bwal as kaytik kwakwadanalik tikuw, God jawjaay kwurkidadiy.

JUT Sukwudil Maaj 1:13

Day adiy nimadiy kwayugw kaytik-adiy. Adiy kwayugw kildaak, yuwiy miy yaav kupwaam rikwanadiy. Aw adiy duw dayadiy kupwaraap sapwurapa yawiy a biyir kaytik wakwu-kwanadiy. Day adiy niki tamiy niki tamiyaar yitaay kipa tubw tikwada pik day atawaan-adiy. Day nyanyi adi gaan kwusin tikiladi tamiyaar yikuw, kwayakinadiy. Aal God dayak tasakwu-jibirada tamiyab.