Pol Diki Sukwudil Maaj ROM Tipa Kidiy Kristen Duw Takwak 7:9 - Nupela Testamen long tokples Manambu

^9-10 Tayir kwatuwil Mawsis diki lo wun maa lakwun kwu. Aw ginyir wun a lo lakwukuw, ata vaal wuna mawulaam warlik, maykaar wakwul. Wakuwkuw, a lo wunaam tasakwu-lidiwun kiyatuwkik. God di diki lo Mawsisaar duw takwak kwiydil day yara kwadakikik. Aw a lo wunaam tasakwu-lidiwun kiyatuwkik.

Pol Diki Sukwudil Maaj ROM Tipa Kidiy Kristen Duw Takwak 7:9 Iomraidhean Croise

MATIYUW 19:20

Adi badiy duw Jisasak ata wadid, “Kidiy waminadiy ababa lo wab wun wukikwanadiwun. Agwa jaav kip rina?”

LUK Sukwudil Maaj. 15:29

“Aw di dikidi asayik ata wadid, ‘Min awuk! Nabiy samasam wun minak nimadi yawiy kwurtuwa. Wun minadiy majib lakwu-lakwub tikwanadiwun. Aw min wunak badiy meme nakab maa kwatay wunadiy kapa nyanugwawa kituwkikik. Aw kidi minadi nyan minadiy niki jaav niki jaav kip yakiyaki-didiy adiy yabim kwurkwur tikwanadiy takwak. Aw di sibinin yadik, min dikik viyakita karuwka karuw badiy bulmakau viyasipa-minaad!’

LUK Sukwudil Maaj. 18:21

Di Jisasak ata wadid, “Wun kwasadi nyan tituwarib, wun adiy majib wukidiwun.”

Pol Diki Sukwudil Maaj ROM Tipa Kidiy Kristen Duw Takwak 10:5

Kitawa Mawsis maaj sukwudil ata ata duw taakw day mwiyir tikidanalik God diki milaam diki lo majib wukikuw. Di kitawa waad, “Adi duw di abab lo walidiy majib wukida, adi duw di nyanyi nyanyi Godawa kwakinaad.”

Pol Diki Sukwudil Maaj ROM Tipa Kidiy Kristen Duw Takwak 7:11

Vaal Mawsis diki lo-aar wunaam suwaal kwurkuw, tasakwu-lidiwun kiyatuwkik.

Pol Diki Sukwudil Maaj ROM Tipa Kidiy Kristen Duw Takwak 7:4

Gwurabab atampik tinadiygwur, wunadiy Kristen gwalugwa duw. Gwur Jisas Kraisawa nakamwiyib maap tidi miyaam kiyanapik kiyakuw, gwur ata Mawsis diki lo-ak kiya-nadiy duw kaytik tinadiygwur. Gwur atawa tigwurik, adi Jisas Kraisaam kirapitaka-didi God di dikidiy duw taakw tikigwura viyakita yawiy kwurgwurkik dikik.

Pol Diki Sukwudil Maaj ROM Tipa Kidiy Kristen Duw Takwak 7:6

Nyan lo liki tabaam tibaak, God ata nyigil-didiyan. Alik tikuw, nyan kiyanadiy duw kaytik a lo-ak tikuw, nyan a lo walil pik Godak yawiy kwu maa. Aw nyan dikidi mawul wadil pik yawiy kwurkidiyan dikik.

Pol Diki Sukwudil Maaj ROM Tipa Kidiy Kristen Duw Takwak 7:8

Atawa watipilik, a lo a vaal simakalik, a vaal wunaam mwugiylik, wuna mawul ata waril niki jaav niki jaav kwurik. Aw Mawsis diki lo kip tiya maarlik, ata adiy vaal wun samab maa laakw.

Pol Diki Sukwudil Maaj ROM Tipa Kidiy Kristen Duw Takwak 8:7

Atawa tikuw, adiy duw taakw day dayadiy vaal yikwanadiy mawul dayaam van tikwanadiy, day God dikidiy mama nib tikwanadiy. Aw day God diki lo-ab akis wuki-kwanadiy. Aw day samab wuki-wukik maa rav.

GALATIYA 2:19

Aw wun lakwun tikuw, aal Mawsis diki lo samab wunaam mwugiy maa God diki milaam mwiyir tikuw nyanyi nyanyi dikiwa kwayatuwkik. Alik tikuw, wun bwu bwan kwiytuwil aal lo wak. Aw wun bwan kwiytuwil, aw wun Jisas Kraisak wukijibir tikuw, wun God diki danik nyanyi nyanyi kwaya-kidiwun.

GALATIYA 3:10

Aw God diki yaal gira-kwana mawul adiy Mawsis diki lo waladiy yabib kwurjibir tikinadiyim tikina aw mwiyir day God diki milaam mwiyir tikir atawa kwurkinadiyim. Ki maaj aal kika God diki lapa nyigaam rina. Li kitawa bwulana: “God diki yaal girakwana mawul adiy miyawa God diki lapa nyigaam rinadiy miyawa lo majib wak maar-kinadiyim tikina.”