Pol Diki Sukwudil Maaj ROM Tipa Kidiy Kristen Duw Takwak 7:5 - Nupela Testamen long tokples Manambu

⁵ Tayir nyan vaal yidiy duw taakw tibaak, Mawsis diki lo niki jaav niki jaav watipikuw mwugiylik, nyanadiy vaal yikwanadiy mawul wardiy nyanadiy amwiyim vaal yibakikik. Ginyir atampik kwakwanadiy duw taakw day Godawa kajaan tikuw, nyanyi nyanyi mwiya jawjaay tikidiy.

Pol Diki Sukwudil Maaj ROM Tipa Kidiy Kristen Duw Takwak 7:5 Iomraidhean Croise

MATIYUW 15:19

“Kidiy kupwarapa jaav duw dayadiy mawulaam ritaay, wakwukwanadiy. Duw viyaan, taakw niki taakw likidi duwaam vaal yaan, duw nikidi duw diki takwaam vaal yaan, yabim kwurbagwun, luwkuw kwurin, suwal kwurin, sapis jikin.

JON Sukwudil Maaj. 3:6

“Aw li adi mwiya taakw sapwiykiladi duw, di mwiya duw taakw amwiy kwurkida. Kwurkuw, mwiya duw tikinaad. Aw li adi God dikidi Mawul mwugiykidadiy, duw taakw day kwulakakwula mawul kwurkuw, ata day mwiya kwulakakwula duw taakw suwulkuw, kwakinadiy.

Pol Diki Sukwudil Maaj ROM Tipa Kidiy Kristen Duw Takwak 1:26

Alik tikuw, day atawa kwurdalik tikuw, God dayak maa wakuw, di wapadidiy dayadiy mawul wardakik. Alik tikuw, taakw lakw wakwanadiy dayadiy duwawa kis kwur-kwurik, aw nuwukadiy takwawa kis kwurik.

Pol Diki Sukwudil Maaj ROM Tipa Kidiy Kristen Duw Takwak 4:15

Diki lo-aar God diki aban duw takwak akis taka-kwanaad. Awarabab diki lo-aar God diki wariya mawul duw takwak yikwana. Aw li lo ri maarik-dana, duw taakw adiy lo akis sarik-danadiy.

Pol Diki Sukwudil Maaj ROM Tipa Kidiy Kristen Duw Takwak 5:20

God diki lo kwiydil duw takwak dayadiy yidadiy vaal dayak simakalik, awarab dayak simaka-likik dayadiy vaal mwiya samasam-adiy. Aw duw taakw dayadiy yidadiy vaal yitaypik tidaak, aw God diki duw takwak yidil sukwasukw tikwana mawul ab yitaypik tal, dayadiy valim mwiyir kakilkuw.

Pol Diki Sukwudil Maaj ROM Tipa Kidiy Kristen Duw Takwak 6:13

Gwur mayaakw kwa-tikwa gwuradiy maan taab, ap bwan, vaal yidakikik. Samab maa! Gwur kiya-kiyab tigwur, God tasakwu-didiygwur nyanyi nyanyi yara kwagwurkikik. Alik tikuw, gwuradiy miyawa amwiy Godak akwiy viyakita yawiy dayaar kwurdakik.

Pol Diki Sukwudil Maaj ROM Tipa Kidiy Kristen Duw Takwak 6:19

Gwur kipa duw taakw-adiygwurik. Alik tikuw, ki jaav gwur mwiyir maa laakw. Alik tikuw, wun ki maaj liki maaw maaj gwurak atawa kaliva-tuwadiygwur yawiy duw majir. Tayir gwur gwuradiy amwiy kwiy-gwurdiy valik, dayaar niki vaal niki vaal yikir. Atampik, kita gwur gwuradiy amwiy viyakita yawiyik akwiy, dayaar viyakit kwurik.

Pol Diki Sukwudil Maaj ROM Tipa Kidiy Kristen Duw Takwak 6:21

Adiy tayir kwurkuw, kita wap saygwuradiy jaav, ata ata gwuraam sugwiyaan kwurdiy? Aw adiy jaav kwur-kwanadiy duw taakw ginyir dayadiy mawulawa kayik Godawa kajaan tikuw, nyanyi nyanyi mwiya jawjaay tikidiy.

Pol Diki Sukwudil Maaj ROM Tipa Kidiy Kristen Duw Takwak 6:23

Ginyir God vaal yikwanadiy duw takwak sibinin kwiykidadiy dayadiy valik. Di dayak tasakwu-kidadiy day diwa kajaan tikuw, nyanyi nyanyi mwiya jawjaay tikidiy. Aw God tasakwu-dadiy nyanadi Yitaypika Duw Jisas Krais wukin tikwanadiy duw taakw nyanyi nyanyi yara kwadakikik diwa.

1 KORIN 15:56

Aw aal nyaam aal duw takwaam kiyadakik mwugiykwana vaal ata miyawa kwusikina. Aw aal God diki nyanak nyanadiy valik simaka-dadiy jas kaytik tikwana lo, aal nyaam nyanak atawa ti maa ya, kwusikuw.

2 KORIN 10:3

Nyan kidi kupwaam kwakwanadiyan. Aal mwiya maaja. Aw nyan adiy Godaam laakw maarkwanadiy duw taakw wariya-kwadana pik akis wariya-kwanadiyan nyan God dikidiy mama nib dayadiy yawiyim wariyataay.

GALATIYA 3:10

Aw God diki yaal gira-kwana mawul adiy Mawsis diki lo waladiy yabib kwurjibir tikinadiyim tikina aw mwiyir day God diki milaam mwiyir tikir atawa kwurkinadiyim. Ki maaj aal kika God diki lapa nyigaam rina. Li kitawa bwulana: “God diki yaal girakwana mawul adiy miyawa God diki lapa nyigaam rinadiy miyawa lo majib wak maar-kinadiyim tikina.”

GALATIYA 5:24

Adiy miyawa Jisas Krais dikidiy tinadiy duw taakw, day bwu dayaki jaba mawul wapadaal, aal adiy kupwarapa jaav kwurik wukilal. Aw day dayaki jaba vaal yiyi tikwaal mawul Jisas Krais kiyadidi maap tidi miyaam dayaam katanapik katadaal, aw mwiyir alim kiyalikik tikuw.

YIPASIS 2:11

Gwur wukin akaray! Tayir aw day gwuradiy sip lupw maardaak aw mwiyir simaka-simakak gwur God dikidiy-adiygwur waan, aw nyan Juw duw taakw sapis jikin kwurtaay, gwurak sikiy-kwabadiygwurik, “Nuwukadiy jaka tipa kidiy duw taakw,” wataay. Aw nyan, aal nyanadiy sip lupwadaal duw, sikiy-kwabadiygwurik, “Gwur sip lupw maarkwadanadiy duw,” wataay.

YIPASIS 2:3

Tayir nyan Juw duw taakw ab adiy duw takwa pik tidiyan. Nyanadiy kupwaraap sapwurapa jaav adiy nyan nyanadiy mawul kwurik mawul wardadiy jaav titaay kwurdiyan nyan nyanadiy kapa sipak wukikuw. A sikir God diki yaal giradil mawul nyanaam tal adiy nuwukadiy Godaam laakw maardiy jaka tipa kidiy duw taakw kaytik.

KALASAY 3:5

Gwur kidiy vaal yikir war-kwagwuradiy mawul dayadiy yawiy kidiykaan adiyka: duw takwaam vaal yan, taakw duwaam vaal yan kipa yabim, watipi-danadiy yawiy duw taakw dayadiy milaam kwurin, duw taakw awarwa awarwa kwurkwur mawul tan, mawul warkuw vaal yikir tan, kipa duw taakw dayadiy javik mawul yan kwurkwurik, aw dayadiy mawul Godak yi-yaay, day adiy javik yikwanadiy kwurik.

TAYTAS-AK 3:3

Tayir nyan nyanabab Godaam maa lakwun ti. Nyan sar kwurdiyan God diki majib, kwam tikuw. Nyanadiy nikim nikim wardiy mawul nyanaam liydadiyan kupwaraap sapwurapa jaav kwurbakik. Aw atawa tikuw, nyan kipa yawiy duw kaytik tidiyan, nyanadiy kupwaraap sapwurapa mawul nyanaam van tidalik tikuw. Nyan nuwukadiy duw takwak jawjaay kwuryi-badiy. Nyan dayak wasupwu wasupwu mawulada tidiyan. Aw day nyanak mwiya kwasik yidalik tikuw, nyanabab dayak sibinin mwiya kwasik yibadiy. Alik tikuw, nyan awarwa awarwa mama nib kitik tidiyan.

JAMIS 1:15

Taay adiy duw dayadiy mawul vaal yikir titaay, aw vaal yikuw, ginyir adiy vaal dayaam kaykitin tikwadanadiy. A javik tikuw, ginyir adiy duw taakw Godawa kajaan tikidiy nyanyi nyanyi.

JAMIS 4:1

Wadiy gwuradiy nyidim warnadiy wariy, akim kwurgwuradiy? Niki mawul niki mawul gwuradiy mawulaam wariyak wakwanadiy day dayadiy kapa jaav kwurkwurik. Alik nyanyi gwur gwuradiy kapa sipaam wapasakiy salataay, duw takwaam ab viyasipak tikwanadiygwur.

1 JON 3:4

Vaal liki mwiya maaw aal God diki lo majim sarkwanaal. Alik tikuw, adiy miyawa vaal yikwanadiy duw taakw day God diki lo majim sarkwanadiy.