MATIYUW 9:4 - Nupela Testamen long tokples Manambu

⁴ Jisas dayadiy mawul vikuw, ata wadidiy, “Agwa javik gwur atawa kupwarapa mawul tinadiygwur?

MATIYUW 9:4 Iomraidhean Croise

MATIYUW 12:25

Jisas dayadiy mawulaam wadadiy maaj lakwukuw, wadidiy, “Li gavman nak kapakap kajikuw, day dayada wariya-kidana, adi gavman vakir-kinaad. Li tip nak ay gwalugw nak kapakap kajikuw, day dayada wariya-kidana, adi tip ay adi gwalugw vakir-kinaad.

MAK Sukwudil Maaj. 12:15

Jisas lakwudil day tikal vitiy tidiy. Alik di dayak ata wadidiy, “Agwa javik gwur gwiyip kwur-gwuradiwun? Saan wunak akwutay wun vikir.”

MAK Sukwudil Maaj. 2:8

Yabiyib Jisas dayadiy mawul vikuw, ata wadidiy, “Agwa javik gwur atawa mawul tinadiygwur? Agwa jaava kakilkina wun kwurkwurik, aw gwur vikuw, ayiy wakigwura a javik? Kidi ap lupwudi duwak wakituwaad, ‘Minadiy vaal yibwiy-tuwadiy’ ay ‘Min arap. Rapikuw, minadi baay yatakuw, min maay?’

LUK Sukwudil Maaj. 11:17

Jisas dayadiy mawulaam wadadiy maaj wukikuw, wadidiy, “Li gavman nak niki baap niki bapaar kapakap kajikuw, day dayada wariya-kidana, adi gavman vakirkinaad. Li gwalugw nak niki baap niki bapaar kapakap kajikuw, day dayada wariyakidana, adi gwalugw ata vakirkinaad.

LUK Sukwudil Maaj. 5:22

Jisas di lakwudil dayadiy mawulaar ritaay, bwuladadiy maaj. Alik di dayak ata wadidiy, “Gwur agwa javik gwuradiy mawulaar ritaay, atawa bwulabagwu-nadiygwurik? Agwa jaava kakilkina wun kwurkwurik, aw gwur vikuw, yaakiya wakigwura a javik wuna maaj mwiya maaj waan wakuw? Kidi ap lupwudi duwak wakituwaad, ‘Minadiy vaal yibwiy-tuwadiy,’ ay ‘Min arap! Rapikuw, minadi baay kwurkuw, min tiytiyaan ada?’ Wun aka simaka-kituwadiygwur wun duw taakw dayadi Mwaam ap tikwanadiwun kidi kupwaam duw taakw dayadiy vaal yibwiy-yibwiyik.” Wakuw wadik, di adi ap lupwudi duwak ata wadid, “Wun minak watuwa aras! Minadi baay kwurkuw, maay mina wiyaar!”

LUK Sukwudil Maaj. 6:8

Aw Jisas dayadiy mawul lakwukuw, adi baw taab kiyadi duwak ata wadid, “Min aras. Rasikuw, min kiril may.” Adi duw rasikuw, Jisasak yikuw, diwa tad.

LUK Sukwudil Maaj. 7:40

Jisas dikik ata wadid, “Sayman, wun minak kwasa maaj wakir.” Di Jisasak ata wadid, “Kaliva-nadi duw, jaaw, min wunak aw.”

JON Sukwudil Maaj. 16:19

Aw Jisas di bwu lakwudil dikik bas sikir tidaal. Alik tikuw, ata wadidiy, “Wun watuwa kipa kwasa mwiya wunaam vi maarkigwura, aw ginyir kipa kwasa mwiy tikuw, ata maa vikigwuradiwun. Akaanaka a majik bas sigwura awarwa awarwa titaay?

JON Sukwudil Maaj. 21:17

Jaab mugwula yaw ata maa Jisas bas sidid, “Sayman, Jon dikidi nyan, min mwiya wunadi kapa nyan-adimin, ay?” Aw Pita ata ya sarmabap tad aw Jisas dikik jaab mugwula yaw bas sidilik, “Min mwiya wunadi kapa nyan-adimin?” waan. Aw Pita ata Jisasak wadid, “Yitaypika Duw, min ababa jaav miyawa lakwuyaki-minadiy. Aw min lakwu-minadiwun, wun minadi kapa nyan-adiwun.” Aw Jisas dikik ata wadid, “Adi kamnaagw sipsip ak yakwiya-kwanadi duw kaytik, adiy wunak wukijibir tikinadiy duw takwak wunaki maaj akaliv.

JON Sukwudil Maaj. 6:61

Aw day aal Jisas atawa kalivadil majik ritaay, awarwa awarwa bwulasakiy saladaak, aw Jisas di bwutaay lakwudil aw dayak ata wadidiy, “Ata ata ki kalivatuwa maaj gwuraam saal viyana? Alik yaal giranadiygwurik, ay?

APOSEL 5:9

Pita alik wadil, “Agwa javik Yitaypika Duw dikidi Mawulak atawa kwurbirbir ki jaav wukiwukik? Awuk! Adiy duw nyinadi duw kawamiyaam takakuw, yanadiy. Nyinabab aka yataan karay-kidananyin.”

REVELESEN 2:23

“Wun miyawa viyasipa-kituwadiy adiy likidiy kaliva-kwaladiy majik wuki-wukib kwasa nyanugw kaytik tikinadiy. Aw wun atawa kwurkituwa. Aw aal adiy miyawa God dikidiy duw taakw, day lakwukinadiy aw wun adi dayadiy mawulaam jawkitaan vikuw lakwukwanaad-adiwun, aw sibinin maa adiy kwurkidanadiy yawiyik awarab kwiykituwadiy wakuw.