MATIYUW 9:16 - Nupela Testamen long tokples Manambu

¹⁶ “Duw akis jaba wapwiyim tina tap aw kwula wapwiy kwurkuw, tipatip a maa rav. Aw a kwula wapwiy karyakin yikuw, adi tap ata nima tikina.

MATIYUW 9:16 Iomraidhean Croise

MATIYUW 9:15

Jisas dayak wadidiy, “Kapa nyanugw, duw taakw kiradil nyi kikipaat akis kikwanadiy? Si wana? Di dayawa kwakuw, day rakarak tikuw, atawa maa kwar. Ginyir yadaak, day taakw kiradil duw kwurin karaykuw, dayadiy mawul pakwun nadaak, adiy kapa nyanugw kikipaat ki maa a nyaam.

MATIYUW 9:17

“Duw akis meme likidi sip jaab tidaak, kwula wain kwurkuw, adi sipaam vagavag maa rav. Adi sip wain awa wulwul maa rav. Alik wutak-na aw sipawa wain kupwaraap tikina. Duw kwula wain kwula meme sipaam vagakwanadiy.” Jisas kidiy waya maaj kitika maaj mugwul dayak wadidiy.

MAK Sukwudil Maaj. 2:21

“Duw akis jaba wapwiyim tina tap aw kwula wapwiy kwurkuw, tipatip a maa rav. Adi tap ata nima tikina.

LUK Sukwudil Maaj. 5:36

Jisas ki waya maaj kitika maaj wadidiy, “Duw kwula wapwiy kwurkuw, kwasa kitikikuw, jaba wapwiyim tipatip maa rav. Aw atawa kwurkida, kwula wapwiy karyakin yikuw, abir wapwiy rivriv ti maa. Aw atawa kwurkuw, dikibir wapwiy kupwaraap tikinabir.

JON Sukwudil Maaj. 16:12

“Gwurak wakir wukituwadiy maaj mwiya kipa jaav-adiy. Aw gwur gwurak watuwadiy majik samasam wukigwuralik tikuw, alik gwur mwiyir rav maa dayaam yarakara lakwu-lakwuk.

1 KORIN 13:13

Aw kita kidiy mugwula jaav kip rinadiy: nyanadiy Godak wukijibir tibanadiy mawul, paw nyanadiy God dikidiy takadidiy abanik kip wukijibir tibanadiy mawul, paw nyanadiy Godawa duw takwak yibanadiy mawul. Kidiy mugwula mawul kwas maa. Aw nyanadiy Godawa nuwukadiy duw takwak yikwabanadiy mawul, adiy mwiya yitaypik tikwanadiy abir nikibir vitiya mawulaam.

2 KORIN 9:12

Aw gwur atawa kwurkuw, gwur sugwiyaan kwurkigwuradiy God dikidiy adiy saal yinadiy duw takwaam. Awarab gwur mwugiy-kigwuradiy mwiya samasama duw taakw Godak nimadib wayapiy sidakikik.