MATIYUW 6:9 - Nupela Testamen long tokples Manambu

^9-13 “Gwur kitawa Godak maaj aw: Nyanadi adawul tipaam kwanadi Asaay, nyanadiy mawul nyan minak pitaan warkwanadiyan. Min yakuw, ababa duw takwak van ada. Abab day adawul tipaam kwanadiy mina majib wukikwanadiy. Nyana mawul kidi kupwaam kwanadiy ababa duw taakw atampik mina majib wukikidiy. Nibwul kikibanadiy kikipaat nyanak akwutay. Li adiy nuwukadiy duw taakw nyanaam yidadiy valik bwutaay bwan kwiybanadiy, atampik minabab nyanadiy minak yibanadiy valik bwan akwiy. Min nyanawa walibab yarip tuwin ada, Satan nyanaam kakilik-dadiyan wasapwun vasibariyik kwurik.

MATIYUW 6:9 Iomraidhean Croise

MATIYUW 10:29

“Saan nak kwasadiy wapiy duwamiy nak duw yapiy-kwadanadiy kidakikik. Aw kwasa wapiy nak kip kupwaam vakirvakir maa. God, gwuradi Asaay, bwutaay lakwuda yaakiya wakuw.

MATIYUW 23:9

“Adawul tipaam kwanadi God di kap gwuradi Asaay tinaad. Alik gwur nikidi duwak, ‘Nyanadi asaay,’ watikwa kidi kupwaam.

MATIYUW 26:29

“Wun gwurak waaw. Nuwuka wain wun gwurawa ki maa. Aw ginyir God diki van tidi tamiyaam nuwuk wain gwurawa kikidiwun.”

MATIYUW 26:42

Jaab vitiy warlik, Jisas maa ata yad Godak maaj bwulak. Di ata waad, “Wunadi Asaay, li kidiy wunak yakinadiy kupwarapa jaav wunaam wapaan yi maarkidana, a jaaw, yaakiya, kwurkituwadiy.”

MATIYUW 5:16

“Atampik gwurabab maliykaam tan yawiy kwurgwur, nuwukadiy duw taakw vikwadiy. Gwuradiy viyakita yawiy vikuw, day ata gwuradi adawul kwanadi Asaay dikik yakisuw-kidanaad.”

MATIYUW 5:48

“Gwuradi adawul tipaam kwanadi Asaay di mwiya viyakit tikwanaad. Gwur atampik ada.”

MATIYUW 6:14

“Aw li gwur bwan kwiykigwura nuwukadiy duw taakw gwuraam yidadiy valik, gwuradi adawul tipaam kwanadi Asaay dibab bwan kwiykida gwuradiy dikik yigwuradiy valik.

MATIYUW 6:6

“Aw gwur Godak maaj bwulak tikuw, day kwurdana pik kwurtikwa. Aw gwur yala wiyaar wulakuw, wiyig tipikuw, gwur Godak ata maaj abwul. Gwur dikim maa vi. Aw gwur kap kwakigwura, di gwuraam vikidadiygwurik. Gwuradiy maaj wukikuw, ginyir viyakit kwurkida gwurak adiy majik.

MATIYUW 7:11

“Gwur kupwarapa duw taakw-adiygwurik. Aw gwur gwuradiy nyanugwak viyakita jaav kwiy-kwanadiygwurik. Aw atawa kwurgwur, adawul tipaam kwanadi Asaay di gwuraam kakilkinaad dikik bas sigwuradiy jaav gwurak kwatiya-kidadiy.

LUK Sukwudil Maaj. 15:21

“Dikidi nyan dikik ata wadid, ‘Asaay, wun vaal yidiwun Godawa minak. Alik tikuw, wun maa rav minadi nyan titak. Wun minadi yawiy duw kaytik tikidiwun minak.’

LUK Sukwudil Maaj. 2:14

Day ata wadiy, “Adawur tipaam kwanadi Godak wayapiy sinaak. Adiy kidi kupwaam kwanadiy duw taakw dayaam God rikarik kwurkuw, aal kwusida-takaan tikwana mawul kwiydadiy!”

JON Sukwudil Maaj. 20:17

Aw Jisas likik ata wadil, “Nyin wunaam kaykitijibir ti maa aw wun nyinawa tituwkikik. Aw wun maa nibway war wunadi Asayik diwa kwakir. Aw nyin kita sibinin maay wunadiy kaliva-tuwdiy duwak, adiy kita sikiy-tuwadiy wunadiy nyamwusugwuk. Dayak aw wun wunadi Asayik sibinin warkinadiwun gwurabab gwuradi Asayad. Wunadi Godak gwurabab gwuradi Godad wakuw.”

Pol Diki Sukwudil Maaj ROM Tipa Kidiy Kristen Duw Takwak 1:7

Yaakiya, wun ki maaj gwur Roma tipa kidiy duw takwak sukwutuwa. God diki mawul gwurak yikuw, di tasakwu-didiygwur di dikidiy kapa duw taakw tigwurkikik. Wun bas situwabir Asaay Godawa Yitaypika Duw Jisas Kraisak aw bir gwuraam sukwasukw kwurkuw, gwurak kwusida-takaan tikwana mawul kwiybirkik.

Pol Diki Sukwudil Maaj ROM Tipa Kidiy Kristen Duw Takwak 8:15

God dikidi Mawul gwuraam yawiy duw taakw kaytik akis mwugiy-kwanaad gwur Godak yaga-gwurkik. Atawa kwur-yaay, di mwugiy-didiygwur God dikidiy nyanugw tigwurkikik. Aw di atawa kwurdik, nyan Godak ata gaam sikwanadiyan, “Asaay, wunadi Asaay!” wakuw.

GALATIYA 1:1

Wun Pol, ki lapa nyig wun gwurak sukwutuwa. Wun Jisas Krais dikidi diki maaj karay-kwanadi duw-adiwun. Aad kupwa duw maa wunaam tasakw ki yawiy kwurtuwkik. Aw Jisas Kraisawa God, adi Jisasaam kirasid kiyakuw ridik. Bir-abir vitiy kirib ki yawiy kwurtuwkik tasakwu-birdiwun.

GALATIYA 4:6

Nyanaam simakak aw nyan Juwawa nuwukadiy jaka tipa kidiy duw taakw mwiya mwiyab di dikidiy nyanugw-adiyan waan God wayakidid dikidi Mawul nyanadiy mawulaam wulaan rawun kwadikikik. Kidi God dikidi Mawul nyanaam rawun kwakuw, di mwugiy-kwadadiyan apawa Godak, “Asaay, wunadi Asaay,” wataay wabakikik.

1 TIMOTIY-AK 6:16

Miyawa duw taakw kiyakwanadiy. Aw God di dika kap kip kwayakwanaad. God diki kwakwadi tamiy liki kariyala kariy lait nyaam kakilna. Alik tikuw, kidi kupwa kidiy duw taakw di kwada tamiyaar yiyi maa rav. Tayir kidi kupwa kidiy duw taakw nakab diki mwutamaam maa vi. Aw day maa rav dim vivi. Kidi God di miyawa javim van tikwanaad nyanyi nyanyi. Aw nyan dikidi saam yakisuw takanaak. Mwiya maaj-al.

1 PITA 1:17

God miyawa duw takwaam mwiyir kotiy-kidadiy. Alik tikuw, aw li gwur dikik maaj bwula-kigwura dikik, “Wunadi Asaay,” waan sikiytaay, yaakiya, gwur kidi kupwaam kipa niba duw taakw kaytik kwataay, yarakara kwaan gwuradi Asaay Godak gaba maaj asukw.

REVELESEN 4:11

Takakuw, day kitawa song tidiy, “Min nyanadi Yitaypika Duw-adimin. Min nyanadi God-adimin. Aw min adiy miyawa jaav yitaka-minilik tikuw, min rivi-kwanadimin nyanadiy sukwu-banadiy gaba maaj kwurkwurik, aw nyan minadi saam yakisuw takatakak. Miyawa ap adiy min minadiy-adiy. Aw min mina mawul warkuw, alik miyawa jaav yitaka-minidiy.” Akaan aka. Day atawa dikik song tidaad.

REVELESEN 5:12

Day mwiya nimalib kitawa song tidiy, “Adi tayir viyasipadadi Duwa Badiy Sipsip, di miyawa mwiya mwiyab tidilik tikuw, alik di mwiya mwiyab di mwiya rivinaad ap kwurik miyawa javim van titak. Awarab miyakib kwurkwurik di dikidiy jaav tidakikik. Di adi miyawa mawulawa ap dayadi maaw tikwanaad. Miyawa duw taakw dikidi saam yakisuwtakakuw, day dikik wayapiy sikwadiy,” waan adiy God diki maaj kardadiy duw song tidiy.