MATIYUW 6:4 - Nupela Testamen long tokples Manambu

⁴ “A yawiy pakwun kwurkuw, gwuradi Asaay gwura yawiy vikidaal. Vikuw, ginyir di viyakit gwurak kwurkida a yawiyik.”

MATIYUW 6:4 Iomraidhean Croise

MATIYUW 10:42

“Gwur ki maaj wukimar-tikwa. Li duw kipa duw takwak ‘Kad Jisas dikidi kalivadidi duwad’ wakuw, adi kupwaam nikil nikil guw kidikikik kwiykinaad, adi duw diki kwasa yawiy God wukimar maa. Adawul tipaam jaav kwiykinaad dikik.” Jisas dayak wadidiy maaj ata kwusidiy.

MATIYUW 6:6

“Aw gwur Godak maaj bwulak tikuw, day kwurdana pik kwurtikwa. Aw gwur yala wiyaar wulakuw, wiyig tipikuw, gwur Godak ata maaj abwul. Gwur dikim maa vi. Aw gwur kap kwakigwura, di gwuraam vikidadiygwurik. Gwuradiy maaj wukikuw, ginyir viyakit kwurkida gwurak adiy majik.

LUK Sukwudil Maaj. 14:14

“Atampika duw taakw minaam awarab waan karay karay rav maa. Aw alik tikuw, God minaam viyakit kwurkidadimin dikidiy viyakita duw taakw day kiyakuw ridaak, kirapitakakida nyaam.”

LUK Sukwudil Maaj. 8:17

“Ababa pakwun rinadiy jaav, ababa rabwutakaan rinadiy jaav, ginyir adiy jaav maykaar wakwukidiy.

1 KORIN 4:5

Aw Yitaypika Duw Jisas Krais kidi kupwaar sibinin dakida, di adiy miyawa yawiywa duw taakw wuki-kwadanadiy dayadiy mawulawa adiy kwur-kwadanadiy pakwun rikwanadiy miyawa javawa ata mwugiydik, abab maliykaar wakwuyaki-kinadiy. Aw aal nyaam adiy duw takwak dayadiy yawiy pik atawa wayapiy sikidadiy. Alik tikuw, kita nuwukadiy duw taakw dayadiy kwur-kwadanadiy yawiyik jas kaytik vitikwa.

YIPIRUW 4:13

Aw jaav nak samab pakwun maa ti Godak. Miyawa jaav dikik maykaar tikwanadiy. Aw di diki danik nyanadiy ababa kwurbanadiy jaav wasapwiy-kibanadiy.

JUT Sukwudil Maaj 1:24

May, nyan gaba maaj sukwunaak Godak. Dikidaan-ad Godaar nak. Di nyigil-didiyan nyanadi Yitaypika Duw Jisas Kraisaar. God nuwukadiyim ab di mwiya yitaypik-ad. Aw di nuwukadiyim kakilkuw ap samasam tidalik tikuw, di dayaam ab van tikwadadiy. Di rivinaad gwuraam mwugiy-mwugiyik apawa vakir maarin kip tigwurkikik. Awarabab gwuraam kwurin kawarak simsim valwa ti maarin, gwuradiy mawul tugwaam nakuw, di diki mwutamaam tigwurkikik. Tayir ab basa kasab atawada tad. Aw kitaan ab atawada tinaad. Aw atawa nyanyi nyanyi tiyanaad. Aw gwur mwiya mwiyab Godak wayapiy san rakarakawa titaay, gaam sikinadiygwurik a javik. Mwiya maaj-al.

REVELESEN 2:23

“Wun miyawa viyasipa-kituwadiy adiy likidiy kaliva-kwaladiy majik wuki-wukib kwasa nyanugw kaytik tikinadiy. Aw wun atawa kwurkituwa. Aw aal adiy miyawa God dikidiy duw taakw, day lakwukinadiy aw wun adi dayadiy mawulaam jawkitaan vikuw lakwukwanaad-adiwun, aw sibinin maa adiy kwurkidanadiy yawiyik awarab kwiykituwadiy wakuw.