MATIYUW 5:7 - Nupela Testamen long tokples Manambu

⁷ “Adiy duw taakw day wukikwanadiy nuwukadiy duw takwak, God ab dayak wukikinaad. Alik adiy duw taakw rakarak samasam tikwadiy.

MATIYUW 5:7 Iomraidhean Croise

MAK Sukwudil Maaj. 11:25

“Gwur Godak maaj bwulak tikuw, aal kupwarapa mawul tikigwura nikidi duwak, taay a jaav awap. Ata gwuradi adawur tipaam kwanadi Asaay gwuradiy mawulaam rinadiy vaal di yibwiy-kidadiy.

LUK Sukwudil Maaj. 6:35

“Atawa maa! Gwuradiy mawul gwuradiy mama nibak yikuw, dayak yarakara akwur. Gwuradiy jaav nuwukadiy duw takwak basadika kwiykuw, ginyir wuki-tikwa adiy jaav sibinin kwur-kwurik. Atawa kwurkigwura, mwiya nimadi God ginyir gwuradiy saam yakisuwtaka-kidadiy, ‘Gwur wunadiy nyanugwa yawiy pik kwurgwuradiy,’ wakuw. Gwuradi adawur tipaam kwanadi Asaay dikik wukimar-kwanadiy vaal yikwanadiy duw takwak wukikwanaad. Di kip rikarik kwur-kwanaad dayak. Gwur diki pik dayak awuk.”

Pol Diki Sukwudil Maaj ROM Tipa Kidiy Kristen Duw Takwak 11:30

God tasakwudil miyawa duw taakw dayadiy diki majim sarkwanadiy mawul dayaam kalabus kaytik kaykitin tidakikik. God atawa tasakwu-didiy ginyir diki mawul dayak maa wukilikik. Atawa tikuw, aw gwur nuwukadiy jaka tipa kidiy duw taakw, tayir gwur God diki majim sardiygwur. Aw kita adiy Juw God diki majim sardanalik tikuw, God ata gwurak wukikwada mawul mwiyir tina gwuraam. Atampik adiy Juw kita God diki majim sarkwanadiy. Atawa titaay, God gwurak mawul wukidil pik dayak ab wuki-kidadiy.

1 KORIN 7:25

Aal wunak adiy pasa taakw bas sigwuril maaj aka wakituwa gwurak. Aw Yitaypika Duw Jisas Krais wunak niki maaj niki maaj maa kway gwurak watuwkikik atampika taakw dayadiy majik. Alik tikuw, wun wuna wukituwa maaj aka gwurak wakituwa atampika takwak. Aw Jisas Krais bwu sukwasukw kwurdidiwun diki yawiy kwurtuwkik tikuw. Alik gwur kip wukijibir ada ki wakituwa maaj mwiya maaja waan.

2 KORIN 4:1

God diki sukwasukw kwurkwana mawul nyanak kwiykuw, di kwiydidiyan diki yawiy dikik kwurbakik duw takwak wasapwiybakik diki kwula abanik. Alik tikuw, atawa kwurdilik tikuw, nyan akis bwan kwiy-kwanadiyan yagataay aal yawiy kwurkwurik titaay.

YIPASIS 4:32

Aw atampika javadiy kwur-yaay, rikarik akwur nuwukadiy duw takwak dayak mawul wukikuw. Gwur Jisas Krais dikidiy duw taakw tigwuralik tikuw, alik God di gwuradiy vaal yibwiy-didiy. Alik tikuw, gwurabab gwur gwuradiy awarwa awarwa yigwuradiy vaal ayibwiy.

KALASAY 3:12

Gwur Jisas Kraisawa nakamwiyib tikuw, God gwuraam tasakwukuw di dikidiy duw taakw tigwurkikik, di gwurak samasam mawul yikuw, alik tikuw, gwur kitampika mawul akwur. Gwur nuwukadiy duw takwak awuk. Gwur nuwukadiy duw takwak rikarik akwur. Gwur gwuradiy mawul kwusida-takaan ada. Gwur yabiyib mawul war-tikwa duw takwak.

1 TIMOTIY-AK 1:13

Aw wun tayir dikik kupwarapa maaj waan dikik wajibayin kwurtuwil ab, aw adiy di dikidiy tidiyik kupwarapa jaav kwurtuwilab, aw di tasakwudidiwun diki yawiyik. Aw a sikir wun kwurtuwidiy yawiy dayadiy maaw wun maa laakw. Aw wun Jisas Kraisak mwiyir laakw maartuwilik tikuw, alik atawa kwurdiwun. Aw wun Jisas Kraisak atawa jawjaay kwur-bagwutuwik, God wunak wukididiwun.

YIPIRUW 4:16

Aw atampika duw nyanadi Yitaypika Pris adawur tipaam tidalik, alik nyan yaga maarkuw, God diki rikwadi tamiyaar wulanaak. Aw nyan mawul yibaak di nyanaam sugwiyaan kwurdikik, a nyi di ata nyanak wukikuw, sukwasukw kwurkuw, sugwiyaan kwurkidadiyan.

YIPIRUW 6:10

God di kupwarapa duw maa. Aw di gwura dikik kwur-kwagwuradiy yawiywa dikik yigwuradiy mawul di wukimar maa. Aw dikidiy duw taakw daya danik kwurkwagwuradiy yawiy ab di wukimar maa.

JAMIS 2:13

God dikidi duw takwaam kotiy-kidadi nyaam di samab mawul wak maa adiy nuwukadiy duw takwak wak maarkwanadiy duw takwak. Aw adiy nuwukadiy duw takwak wukikwanadiy duw takwa danik, mawul wukikinaad. Alik tikuw, day yagayag maa rav adi God duw takwaam kotiy-kidadi nyak.

JAMIS 3:17

Aal God kwiykwada mawul, aal yarakara tikwana mawula. Aal kitawaana: Aal mawul a tugwaam nakwana, jaav nakab lim akis takatipi-kwala. Aal mawul a kwusida-takaan tikwana, Atampika mawul tikwanadi duw di dikik wuki-yaay, di nuwukadiy duw takwak waan taka-kwanaad. Atampika mawul tikwanadi duw di nuwukadiy duw takwak wukikwana mawul kwurin tikwanaad. Atampika mawul tikwanadi duw di viyakita yawiyda kwurkwanaad. Atampika mawul tikwanadi duw di akis nuwukadiy duw takwa danik yarakara kwurtaay, aw nuwukadiy duw takwak jaaw kwurkwanaad. Atampika mawul tikwanadi duw di akis viyuw tikala pik vitiy katiy pasira-kwanaad.

1 PITA 2:10

Tayir gwur kipa bapa duw taakw tidiygwurik. Aw kita gwur God dikidiy duw taakw-adiygwurik. Tayir gwur samab maa kwurin ti aal God diki nuwukadiy duw takwak wukin tikwada mawul. Aw kita gwur bwu kwurgwuraal.