MATIYUW 5:17 - Nupela Testamen long tokples Manambu

¹⁷ “Gwur kitawa wukitikwa, ‘Jisas dadil di Mawsis kwiydidiy God dikidiy maaj wasapwiydiy duw dayadiy majawa kaybwiyik.’ Atawa kwurik wun maa di. Aw wun datuwil dayadiy mwiya maw maaj wasapwiyik.

MATIYUW 5:17 Iomraidhean Croise

MATIYUW 3:15

Aw Jisas Jonak ata wadid, “Jaaw, an God dikil majib kwurtik. God diki mawul baptais wunak kwatiya-minakik wana.” Jon Jisas diki majib wukikuw, baptais ata kwiydid.

MATIYUW 7:12

“Mawsis kwiydidiy lo wawa ababa God diki maaj wasapwiydiy duw dayadiy kalivadadiy majiwa dayadiy maw maaj, ‘Adiy jaav gwur duw takwak gwurak kwurdakik mawul yigwuradiy jaav, atampik nuwukadiy duw takwak akwur.’”

LUK Sukwudil Maaj. 16:17

“Adawur tinadi tubwawa kidi kupw kwusikinabir aw God dikidiy miyawa lo kwas maa.

JON Sukwudil Maaj. 8:5

“Aw Mawsis nyanak kwiydil lo kitawa wana, nyan kitampika taakw aal viyasipabakik kabakir kwartayin. Aw li min ata ata wakinadimin?”

APOSEL 18:13

Day dikik wadaad, “Kidi duw duw takwak kalivadidiy day Godak gaba maaj sukwuk aal nyana lo maa wala yabir.”

APOSEL 21:28

Day ata gaam sidiy, “Yisrayil duw, nyanak sugwiyaan akwur! Kidi duw ababa tipaam yin yaan tibagwukuw, Yisrayil duw takwak kalivadidiy day maa wakwadiy Mawsis diki lo wawa kidi God dikidi wiyak ab. Aw kita di nuwukadiy jaka tipa kidiy duw God dikidi wiyaar kwurin kariyadadiy. Atawa kwurdil, di watipidaal majim sarnaad.”

APOSEL 6:13

Kwurin karaykuw, nuwukadiy duw day ata kwurin karaydadiy suwaal takadakik Stivinak. Day wadiy, “Nyan wukibaal kidi duw nyanyi kupwarapa sapis jikid God dikidi wiyawa Mawsis diki lo wak. Nyan ki wadil maaj wukibaal, ‘Kidi Jisas, Nasarit tipa kid, God dikidi wiy takwukinaad. Di Mawsis nyanak kalivadadiy sukw warapiy-kidadiy.’”

Pol Diki Sukwudil Maaj ROM Tipa Kidiy Kristen Duw Takwak 10:4

Aw nyan Jisas Kraisak wukijibir tibaak, God diki lo ata kwusina nyanak. Nyan Jisas Kraisak wukijibir tibaak, God ata tasakwu-didiyan mwiyir tibakikik diki milaam.

Pol Diki Sukwudil Maaj ROM Tipa Kidiy Kristen Duw Takwak 3:31

Aw li nyan atawa wakibana duw taakw day Jisas Kraisak wukijibir tikidana, aal yitaypik tinadi jaava, Mawsis diki lo ata saal viyakina, ay? Samab maa! Nyan atawa wakibana a lo liki mwiya maaw maykaar wakwulikik.

Pol Diki Sukwudil Maaj ROM Tipa Kidiy Kristen Duw Takwak 8:4

God atawa kwurdil, aw nyan mwiyir nyanadiy vaal yikir mawul kwurik wadanadiy yawiy kwar maarkuw, aw God dikidi Mawul diki majib wukikuw, God diki lo walil pik tibakikik.