MATIYUW 4:2 - Nupela Testamen long tokples Manambu

² Alim nyi gaan duwamiy vitiy kwakuw, Jisas kikipaat ki maarkuw, ata kaam yisad.

MATIYUW 4:2 Iomraidhean Croise

MATIYUW 21:18

Sira pik ganbab, Jisas Jiruwsalimaar sibinin yitaay tikuw, di ata kaam yisad.

MATIYUW 25:35

“‘Tayir wun kaam yasatuwkib, gwur kamnaagw wunak kwatiya-gwurdiwun. Wun guw kikir yasatuwkib, gwur guw wunak kwatiya-gwurdiwun. Wun kipa duw gwurak tituwkikib, gwur gwuradiy wiyaar karay-gwurdiwun. Aw wun kwusuw wapwiy ti maartuwkib, gwur kwusuw wapwiy kwatiya-gwurdiwun. Wun barik kwatuwkikib, gwur yataay wunak, van tidiygwurik. Wun kalabus im kwatuwkikib, gwur yataay wunak, vigwurdiwun.’

MATIYUW 25:42

“‘Tayir wun kamik tituwkikib, aw gwur wunak kikipaat maa kwatay. Wun guw kikir tituwkikib, aw gwur wunak guw maa kwatay. Wun kipa duw gwurak tituwkikib, aw gwur gwuradiy wiyaar wunaam maa karaay. Wun kwusuw wapwiy ti maartuwkib, aw gwur wunak kwusuw wapwiy maa kwatay. Wun barik kwatuwkikib, kalabus im kwatuwkikib, aw gwur akis wunak yin jawdiygwurik.’

MAK Sukwudil Maaj. 11:12

Sira pik Bitaniy-aam kwakuw, sibinin yadaak, Jisas kaam yasad.

JON Sukwudil Maaj. 4:6

Adi mwiya tayir Jakap kip kwakuw, vadidi makuw ab kip rad. Aw Jisas nimadi yaab yadilik, diki sip sakwiyil. Alik tikuw, yaap rad daan adi mala makuwa. Mwiya giraabal kwasa gaan varugwadim nalilal.