MATIYUW 4:11 - Nupela Testamen long tokples Manambu

¹¹ Jisas ki maaj wadik, Satan ata wapadid. Satan wapakuw yidik, God diki maaj kardadiy duw dakuw, Jisasak sugwiyaan kwurdaad.

MATIYUW 4:11 Iomraidhean Croise

MATIYUW 26:53

“Min maa laakw wunadi Asayik bas sikuw, di yabiyib dikidiy samasama maaj kardadiy duw wayaki-kidadiy day wunak sugwiyaan kwurdakik?

MATIYUW 4:6

Di Jisasak ata wadid, “Min mwiya God dikidi Nyan-adimin wakuw, atay vakirmin kiladi kupwaam. Aw God diki maaj wana, ‘God maaj kwiykidadiy dikidiy maaj kardadiy duwak minak. Aw day minak yarakara van tidaak, min kabakim maan taab viy maa.’”

MAK Sukwudil Maaj. 1:13

Yikuw, nyi duwamiy vitiy alim kwadidiy. Nyanyi Satan Jisasak wasupwun vasibariyik ata kwurdid. Sapiy tidiy jaav kupwaam tiytiyaan tidiy adi tamiyaam. God dikidiy maaj kardadiy duw Jisasak sugwiyaan kwurdiy.

LUK Sukwudil Maaj. 22:43

Adawur tipa kidi God diki maaj kardadi duw nak wakwukuw, Jisasak ap kwiydid.

LUK Sukwudil Maaj. 22:53

“Nyi samasam wun gwurawa God dikidi wiyaam daan rituwadiy. Aw gwur wunaam maa kalaakw. Gwura nyi aka. Kita Satan apawa van tinaad.”

LUK Sukwudil Maaj. 4:13

Satan dikidi Jisasaam wasapwun vasibariyik kwurdidiy yawiy yin kwusidaak, Jisasaam Satan wapadid, ginyir sibinin yakuw, wasapwun vasibariyik kwurik maa wukin tikuw.

JON Sukwudil Maaj. 14:30

“Nyi simiy maa ti gwurak nuwukadiy maaj wawak. Satan, adiy Godaam laakw maarin tinadiy duw takwaam van tikwanadi duw, adi wunaam wunadiy mama nib tabaam takakinadi duw diki mawulaam rawkuw, ada yabiyib yakinaad. Aw Satan yanaad wunaam kakilik. Aw di ap maa ti, wunaam kakil-kakilik.

1 TIMOTIY-AK 3:16

Agwa mwiya yitaypikad, Jisas Krais, adi mwiya Maaw nyanadiy Godak wukijibir tikwabanadiy mawul. Tayir duw taakw mwiyir maa rav dikim lakwu-lakwuk. Aw di mwiya duw taakw dayakil amwiy pik tikuw, wakwud. God dikidi Mawul duw takwak simakadidiy Jisas di mwiya mwiyab mwiya viyakitad God diki milaam. God diki maaj kardadiy duw vidaad. Dikik bwulal maaj miyawa jaka tipaar yikit-akital. Miyawa tamiyaam kwadiy duw taakw dikik wukijibir tidiy. God kawardid adawur tipaar nakamwiyib apawa gilabadiy ridikikik dikiwa.

YIPIRUW 1:14

Alik tikuw, God dikidiy maaj kardadiy duw agwa jaav-adiy? Day kayik kitik tikuw, day yawiy kwurkwanadiy Godak. Aw God nuwukadiy duw takwaam nyigilik tikuw, di dikidiy maaj kardadiy duw dayak wayaki-kwadadiy sugwiyaan kwurdakik dayaam.

YIPIRUW 1:6

God dikidi gumwa Nyan kidi kupwaar wayakik tikuw, di ki maaj ata wadil, “Wunadiy maaj kardadiy duw dikik gaba maaj sukwukwadiy.”